Бүгін лицейіміздің 8”Б”сынып оқушылары «Балалар кітапханасы» жобасы аясында кітапханаға барып, білім мен руханиятқа толы ерекше саяхат жасап қайтты! Кітапхана ішінде балалар түрлі әдебиеттермен танысып, кітап оқу мәдениеті мен кітапхана жұмысымен етене танысты. Бұл кездесуде олардың оқуға деген қызығушылығы мен білімге құштарлығы арта түсті.  «Балалар кітапханасы» жобасы – жас буынның кітапқа деген сүйіспеншілігін арттырып, зерделі оқырман қалыптастырудың тамаша бастамасы. Мұндай іс-шаралар

«Алматы дарыны» орталығының 5 жылдық мерейтойына арналған "Даму мен көшбасшылықтың 5 жылы" атты республикалық ғылыми-тәжірибелік конференцияда №178 мамандандырылған лицейі "Үздік серіктес – 2025" марапатына ие болды! Сонымен қатар, лицей директоры Қайратбек Хамзаханович Шадиевке құрметті Алғыс хат табысталды. Бұл – дарынды оқушыларды қолдауға бағытталған ортақ еңбектің жемісі. Ұжымның кәсіби шеберлігі мен үздіксіз ізденісі лайықты бағасын алды. 

"ҮЗДІК ПЕДАГОГ" атағының иегерлері, шебер ұстаздар —  физика пәнінің мұғалімі Слямгалиева Гульнар Набиевна мен математика пәні мұғалімі Амалбекова Лунара  Еркиновна ұстаздық шеберліктерімен республиканың мақтаныштарына айналды! Қаланың төріне суреттері ілініп,  көптің ықыласына бөленді!  Қос ұстаз,  Сіздердің ғылымға деген сүйіспеншіліктеріңіз бен шәкірттерге арнаған еңбектеріңіз – ұрпақ болашағына қосқан өлшеусіз үлес.

«Таза Қазақстан» жобасы аясында көркем еңбек пәнінің мұғалімі Қутумов Берік Нәбиұлы 5 «Б» сынып оқушыларына «Пейзаж. Табиғатпен үйлесім» тақырыптарында кіріктірілген сабақ өткізді. Сабақ барысында оқушылар табиғаттың әсем көріністерін қылқаламмен бейнелеп, қоршаған ортаға деген сүйіспеншілік пен жауапкершілікті арттырды.

2025 жылдың 2 қазанында Алматы қаласы Ішкі саясат басқармасының Қоғамдық даму орталығының бастамасымен «Жұмысшы мамандықтар жылы» аясында «Еңбек пен шеберлік» жобасы шеңберінде WORKSHOP «Мамандық таңдау — өмір талабы» атты тағылымды кездесу өтті. Кездесуге лицейдің 9-11-сынып оқушылары қатысты. Олар жұмысшы мамандықтарының қоғамдағы маңызы мен сұранысы жайлы тың әрі нақты мәліметтер алып, еңбек нарығындағы өз орнын табу жолдарын түсінді.

«Қарттың сөзі – ақылдың көзі» тақырыбында тәрбие сағаты өтті. Мақсаты – оқушыларға қарттардың өмірлік тәжірибесі мен ақылға толы өсиет сөздерінің мәнін түсіндіру, үлкенге құрмет, кішіге ізет көрсетуге тәрбиелеу. Сонымен қатар қазақ халқының салт-дәстүріндегі қарияға деген сыйластықты дәріптеу, оқушылардың бойына адамгершілік пен имандылық қасиеттерін сіңіру. 

Бүгін лицейіміздің 10-сынып оқушылары ардақты қарияларымызға деген алғысы мен құрметін білдіру мақсатында қарттар үйіне арнайы барып қайтты. Шара барысында оқушылар ардагерлерге гүл шоқтарын тарту етіп, ән шырқап, жылы лебіздерін жеткізді. Жүректен шыққан шынайы сөздер мен көтеріңкі көңіл-күй қариялардың жүздеріне қуаныш сыйлады. Бұл – оқушыларымыздың мейірімділік пен адамгершілік құндылықтарын бойына сіңіріп келе жатқанының айғағы. Қарияларымыз – елдің қазынасы. Олардың өмірлік тәжірибесі мен

Біз — 178th_climbers — лицейдегі жаңа тау шыңына шығу клубымызды аштық! Бұл тек спорт емес, бұл — еркіндік, рух, команда, табиғат, және өз-өзіңді жеңу жолы. Біз бірге күлеміз, бірге қиналамыз, бірақ ешқашан берілмейміз!!!

№178 мамандандырылған лицейде оқушылар мен дене шынықтыру пәні мұғалімдерінің қатысуымен таңғы жаттығу ұйымдастырылды. Бұл іс-шара салауатты өмір салтын насихаттау және денсаулықты нығайту мақсатында өткізілді. Спорт жетекшілері арнайы жаттығу бағдарламасын әзірлеп, барша қатысушыларға көтеріңкі көңіл-күй сыйлады. Мұндай шаралар балалардың денсаулығын нығайтып қана қоймай, оларды тәртіпке, ұйымшылдыққа тәрбиелейді.Мұндай шаралар лицейде алдағы уақытта да жалғасын таппақ. 

"Alatau Creative Hub" орталығы мен №178 мамандандырылған лицейдің ұйымдастыруымен Жұмысшылар жылына орай "Мамандықтар жәрмеңкесі" көрмесі ұйымдастырылды.