Бабалар аманатын ұлықтаған ұстаздарымызға мың алғыс! Алматы қаласы Білім басқармасы ББ ЖТ ҒӘО ұйымдастырған «Бабалар аманаты» кәсіби байқауының аудандық кезеңінде лицейіміздің қазақ тілі мен әдебиеті пәнінің мұғалімдері зор жетістікке жетті.  Абдумуталипова Перизат Косалиевна — I орын иегері атанып, қалалық кезеңге жолдама жеңіп алды!  Женсикбаева Назигуль Бахытовна — III орын  Аметова Сауле Уринбасаровна — III орын Ұстаздарымыздың еңбегі жанып, шығармашылық ізденістері шыңдала берсін!

Бүгін мектебімізде 5–11-сынып оқушылары үшін республикалық референдум туралы бірыңғай сынып сағаттары ұйымдастырылды. Оқушылар референдумның не екені, оның мемлекет өміріндегі орны, маңызды шешімдердің қалай қабылданатыны және азаматтық ұстанымның маңызы жөнінде түсінік алды. Сабақ барысында балалар өз ойларымен бөлісіп, қоғамдағы әр адамның дауысы маңызды екенін білді.

Құрметті ата-аналар! 2025 жылдың 12 желтоқсанында мектебімізде «Бала тәрбиесіндегі мектеп пен ата-ананың бірлігі – сапалы білімнің кепілі» тақырыбында ашық есік күні өткізіледі. Іс-шара барысында: ІІ тоқсанда алынған БЖБ жұмыстары таныстырылып, оқушылардың білім, білік, дағдылары бойынша кері байланыс беріледі. Барша ата-аналарды ашық есік күніне белсенді қатысуға шақырамыз!

Әкпар Нұржау Жолдасбайұлы Алматы қаласында өткен «Үздік авторлық бағдарлама – 2025» республикалық байқауында III дәрежелі дипломымен марапатталды.  Бұл марапат оның кәсіби еңбегінің, шығармашылық ізденісінің және білім саласына қосқан үлесінің жоғары бағаланғанының дәлелі. Әкбар Нұржау Жолдасбайұлы үшін бұл жетістік — жаңа идеяларға шабыт беретін маңызды қадам.  Әрі қарай да шығармашылық табыс пен жаңа жобаларға жол ашық болсын!

2025 жылдың 5 желтоқсанында №178 мамандандырылған лицейде Әбдімажит Қоңырбайұлы Өтеш атындағы математикалық олимпиада өтті.  72 оқушы қатысқан додада:  4 оқушы – 1-орын 6 оқушы – 2-орын  8 оқушы – 3-орын иеленді. Жеңімпаздарды белгілі ғалымдар мен қоғам қайраткерлері марапаттап, жас математиктерге ерекше шабыт сыйлады. Барлық жүлдегерлерді құттықтаймыз!

Еңбек Ері, физика-математика ғылымдарының докторы, профессор Асқар Серқұлұлы Жұмаділдаевпен ерекше кездесу өтті. Бұл жүздесу оқушылар үшін ғылымға деген қызығушылықты оятқан, болашаққа бағыт берер ой мен естелікке толы сәт болды. Асқар Серқұлұлы математика ғылымының дамуы, білім мен ғылымға адал ұрпақ тәрбиелеу жолындағы тәжірибесімен бөлісті. Осындай кездесулер жас буынның ғылымға сенімін арттырып, кәсіби бағдарын айқындауға маңызды үлес қосады. Асқар Серқұлұлына лицейде жас ұрпаққа ғылымға

«Өнерлілер алаңы» көпжанрлы халықаралық өнер байқауында Ержанұлы Алқар мен Ержанұлы Ерен үздік  көрсетіп, Гран-при жеңіп алды!  Оқушылардың орындауындағы «Поппури» күйі қазылар алқасын тәнті етіп, ең жоғары бағаға ие болды. Бұл жеңіс оларға Дубай қаласына жолдаманы ұтып әперді — үлкен еңбектің, дарынның және табандылықтың нәтижесі. Алқар мен Еренді шын жүректен құттықтаймыз! Шығармашылықтары өрлей берсін, халықаралық сахналарда талай биіктерді бағындыра берсін!

2025 жылдың 3 желтоқсанында Республикалық “Дарын” РҒПО-ның ұйымдастыруымен лицейде география пәні мұғалімдеріне арналған республикалық оқу семинары өтті.  Еліміздің түкпір-түкпірінен келген география пәні мұғалімдері олимпиадаға дайындықтың заманауи әдістемелерімен танысты. Семинар соңында «Олимп шыңы» республикалық олимпиадасының жабылу салтанаты өтті. Бұл күн дарынды да талантты педагогтердің еңбегін жоғары бағалауға арналған есте қаларлық сәт болды.  Барлық қатысушыларға алғысымыз шексіз!

Республикалық пәндік «Олимп шыңы» олимпиадасында лицейіміздің тәжірибелі ұстазы Машанов Жанатбек Чаймолдаевич 2-орынға ие болды. Бұл жетістік оның география пәні бойынша терең білімін, аналитикалық ойлау қабілетін және шығармашылық дайындығын айқын көрсетті. Жанатбек Чаймолдаевичке алдағы уақытта да толағай табыстар мен жаңа жетістіктер тілейміз! Шығармашылығыңыз шыңдала берсін!

2025 жылдың 2 желтоқсанында лицейімізде география пәні мұғалімдеріне арналған республикалық оқу семинары өтті. Шараға еліміздің түкпір-түкпірінен география пән мұғалімдері қатысып, олимпиадаға дайындықтың заманауи әдістемелерімен танысты. Семинардың мақсаты – оқушыларды олимпиадаға дайындау тәжірибесімен бөлісу, педагогтердің кәсіби құзыреттілігін арттыру және оқушылардың зерттеу-талдау дағдыларын дамытуға бағытталған тиімді тәсілдерді талқылау. Іс-шара барысында олимпиадалық тапсырмалармен