"Таза Қазақстан" экологиялық акциясына лицейдің эко-клуб мүшелері белсене атсалысты. Олар мектеп ауласын және оның айналасын қоқыстан тазартып, ағаштар мен гүлдер отырғызды. Бұл шара арқылы оқушылар табиғатты қорғаудың маңызын түсініп, экологиялық мәдениетті қалыптастыруға өз үлестерін қосты. Эко-клуб мүшелерінің белсенділігі өзгелерге үлгі болып, қоршаған ортаға жанашырлықпен қарауға үндеді.

"Таза Қазақстан – таза болашақ" атты экологиялық акциясы аясында лицейдің ұстаздары мен оқушылары белсене атсалысты. Аталған шара табиғатты аялауға, қоршаған ортаны қорғауға бағытталған. Акция барысында қатысушылар аумақты қоқыстан тазартып, ағаш отырғызу және көгалдандыру жұмыстарын жүргізді. Іс-шара лицей ұжымының экологиялық мәдениетін арттырып, оқушылардың табиғатқа деген жауапкершілігін нығайтты.

18 қыркүйек №178 мамандандырылған лицейінде кәмелетке толмағандар арасындағы құқықбұзушылықтың алдын алу мақсатында түсіндіру жұмыстары жүргізілді. Іс-шараны Алатау аудандық ПБ Ювеналдық полиция бөлімшесінің аға инспекторы, полиция майоры Л.Т. Жампеисова лицей әкімшілігімен бірлесіп өткізді. Кездесу барысында оқушыларға құқықтық тәрбие, жауапкершілік, тәртіп сақтау және заңбұзушылықтың салдары туралы маңызды ақпарат берілді.

2025 жылғы 17 қыркүйек күні №178 мамандандырылған лицейде Отанға деген сүйіспеншілік пен патриоттық рухты нығайту мақсатында «Біртұтас ел – біртұтас жер» тақырыбында ерлік сабағы өткізілді. Іс-шараның құрметті қонағы – әскери қызметтің ардагері Машанов Жанатбек Чаймолдаевич болды. Ол өз кезегінде Кеңес армиясы қатарында Германия Федеративтік Республикасында әскери борышын өтеген. Сонымен қатар, Қазақстан Республикасының Қарулы Күштерінде ұзақ жылдар қызмет етіп, ел қорғанысын нығайтуға өз

2025 жылғы 15 қыркүйекте 178 мамандандырылған лицейде Қазақстан Республикасы Конституциясының 30 жылдығына арналған іс-шаралар жоспары аясында Республикалық сайлау диктанты ұйымдастырылды. Диктант лицейдің 5–11 сынып оқушылары арасында өткізілді. Оның негізгі мақсаты – жас және болашақ сайлаушылардың сайлау мәдениеті мен хабардарлығын арттыру, Конституцияның маңызын терең түсіндіру болды.

12 қыркүйек күні №178 мамандандырылған лицейде 10-сынып оқушылары арасында пікірсайыс өтті. Оқушылар отбасын – елдің рухани негізі, мемлекеттің мызғымас тірегі ретінде танып, өз ойларын дәлелді, батыл әрі шынайы жеткізе білді.Пікірлер – өткір, ойлар – терең, сөздер – шынайы. Бұл – болашаққа бейжай қарамайтын жас ұрпақтың үні.

2025 жылдың 11 қыркүйек күні №178 мамандандырылған лицейдің 8-сынып оқушылары арасында лицей кітапханасында «Менің отбасым – менің мақтанышым» тақырыбында эссе жазу шарасы ұйымдастырылды. Шараның негізгі мақсаты – оқушылардың отбасыға деген сүйіспеншілігін, құрметін арттыра отырып, отбасылық құндылықтарды дәріптеу, олардың ой-өрісін, шығармашылық қабілеттерін дамыту. «Отбасы – әрбір адамның баға жетпес байлығы, тіршіліктің тірегі, өмірдің алғашқы мектебі» деген ұстанымды негізге алған эсселерде

Лицейде «Ер жігіт – елінің тірегі» атты ұлдар жиналысы өтті. Жиын барысында жасөспірімдердің тұлғалық қалыптасуы, жауапкершілік, әдеп пен тәртіп, отбасындағы және қоғамдағы ер азаматтың рөлі туралы мазмұнды әңгімелер өрбіді. Шара оқушылардың патриоттық сезімін арттырып, болашаққа нық қадам жасауға жігер берді. 

07.09.2025 ж. күні лицей базасында оқушылар мен ата-аналарға арналған айрықша астрономиялық бақылау шарасы өтті! 50-ден астам оқушы телескоп арқылы Айдың жартылай және толық тұтылу фазаларын тамашалап, ерекше құбылысқа куә болды. Кеш барысында қызықты викторина ұйымдастырылып, қатысушылар астрономия жайлы білімдерін сынап, жаңа мәліметтермен бөлісті. Ғылымға деген қызығушылықты арттырған бұл кеш — оқушыларға шабыт пен есте қалатын әсер сыйлады!

Лицейімізде осы айтулы күндерге орай "Үш тіл – бірлік тілі" атты танымдық сағат ұйымдастырылды. Іс-шара барысында оқушылар қазақ, орыс және ағылшын тілдерінде өлеңдер оқып, әндер орындап, викториналық сұрақтарға жауап беріп, түрлі интерактивті ойындарға белсене қатысты.Танымдық сағатта ұлт ұстазы Ахмет Байтұрсынұлының қазақ тілі мен әдебиетіне қосқан ерен еңбегі мен ағартушылық қызметі жайлы тың ақпараттар ұсынылды. Шараның мақсаты – тілдің адамзат өміріндегі маңызын ұғындыру, үштілділікті