«Қарттың сөзі – ақылдың көзі» тақырыбында тәрбие сағаты өтті. Мақсаты – оқушыларға қарттардың өмірлік тәжірибесі мен ақылға толы өсиет сөздерінің мәнін түсіндіру, үлкенге құрмет, кішіге ізет көрсетуге тәрбиелеу. Сонымен қатар қазақ халқының салт-дәстүріндегі қарияға деген сыйластықты дәріптеу, оқушылардың бойына адамгершілік пен имандылық қасиеттерін сіңіру. 

№178 мамандандырылған лицейде оқушылар мен дене шынықтыру пәні мұғалімдерінің қатысуымен таңғы жаттығу ұйымдастырылды. Бұл іс-шара салауатты өмір салтын насихаттау және денсаулықты нығайту мақсатында өткізілді. Спорт жетекшілері арнайы жаттығу бағдарламасын әзірлеп, барша қатысушыларға көтеріңкі көңіл-күй сыйлады. Мұндай шаралар балалардың денсаулығын нығайтып қана қоймай, оларды тәртіпке, ұйымшылдыққа тәрбиелейді.Мұндай шаралар лицейде алдағы уақытта да жалғасын таппақ. 

№178 мамандандырылған лицейінің 7 «В» сынып оқушылары мен ата-аналары керемет күнді табиғат аясында өткізіп, таза ауада демалып, таудың тылсым тынысын бірге сезінді. Сынып жетекшісі — Слямғалиева Гүлнар Нәбиевнаның бастамасымен ұйымдастырылған бұл серуен жай ғана демалыс емес, жан дүниені жаңартатын, ата-ана мен бала арасын жақындататын, сыныпты бір отбасыдай біріктіретін тамаша тәжірибе болды. 

«Таза Қазақстан» экологиялық науқаны аясында лицейіміздің 10 «Ж» сынып оқушылары: Сабитова Жанель, Манасбай Амина және Аманжол Дарын белсенділік танытып, қоршаған ортаны қорғауға өз үлестерін қосты. Оқушыларымыз мектеп аумағында қоқысты сұрыптап, қағаз қалдықтарын арнайы жәшіктерге бөліп жинау жұмыстарын жүргізді. Олардың бұл әрекеті – табиғатқа жанашырлықтың, азаматтық жауапкершіліктің және экологиялық мәдениеттің айқын көрінісі.

11-сынып оқушыларымен лицей психологтары тарапынан ҰБТ-ға дайындыққа байланысты мотивациялық тренинг өткізілді. Бұл кездесу барысында оқушылар өз мақсаттарын айқындап, ҰБТ алдындағы қобалжуды жеңу жолдарын үйренді. Алдағы сынақта барша түлектерге сәттілік тілейміз! 

"Таза қала – жарқын болашақтың кепілі" атты экологиялық акциясы өтті. Акция барысында оқушылар лицей аумағындағы гүлдер мен ағаштарға қамқорлық көрсетіп, оларды суарып, айналасын тазартып, күтім жасады. Іс-шараға оқушылар мен ұстаздар белсенді қатысып, табиғатты аялау мен қоршаған ортаға жанашырлықпен қараудың маңызын көрсетті. Мұндай игі бастамалар оқушылардың экологиялық сана-сезімін қалыптастырып, жауапкершілікке тәрбиелейді. 

"Таза Қазақстан" экологиялық акциясына лицейдің эко-клуб мүшелері белсене атсалысты. Олар мектеп ауласын және оның айналасын қоқыстан тазартып, ағаштар мен гүлдер отырғызды. Бұл шара арқылы оқушылар табиғатты қорғаудың маңызын түсініп, экологиялық мәдениетті қалыптастыруға өз үлестерін қосты. Эко-клуб мүшелерінің белсенділігі өзгелерге үлгі болып, қоршаған ортаға жанашырлықпен қарауға үндеді.

Лицейдің 8 "Б" сынып оқушылары сынып жетекшісі Өкпебаева Салтанат апаймен бірге балалар үйіне барды. Олар балаларға сыйлықтарын тарту етіп, балалармен ойындар ойнап, жылы көңіл-күй сыйлады. Бұл кездесу оқушыларға мейірімділік пен жанашырлықтың маңызын терең түсіндіріп, жүректеріне адамгершілік сезімін оятты.   

"Таза Қазақстан – таза болашақ" атты экологиялық акциясы аясында лицейдің ұстаздары мен оқушылары белсене атсалысты. Аталған шара табиғатты аялауға, қоршаған ортаны қорғауға бағытталған. Акция барысында қатысушылар аумақты қоқыстан тазартып, ағаш отырғызу және көгалдандыру жұмыстарын жүргізді. Іс-шара лицей ұжымының экологиялық мәдениетін арттырып, оқушылардың табиғатқа деген жауапкершілігін нығайтты.

2025 жылғы 17 қыркүйек күні №178 мамандандырылған лицейде Отанға деген сүйіспеншілік пен патриоттық рухты нығайту мақсатында «Біртұтас ел – біртұтас жер» тақырыбында ерлік сабағы өткізілді. Іс-шараның құрметті қонағы – әскери қызметтің ардагері Машанов Жанатбек Чаймолдаевич болды. Ол өз кезегінде Кеңес армиясы қатарында Германия Федеративтік Республикасында әскери борышын өтеген. Сонымен қатар, Қазақстан Республикасының Қарулы Күштерінде ұзақ жылдар қызмет етіп, ел қорғанысын нығайтуға өз