Бүгін лицейде оқушыларға қар көшкіні қаупі, оның себептері және одан қорғану тәсілдері бойынша арнайы түсіндірме сабақ өткізілді. Онлайн форматта өткен кездесуде мамандар таулы аймақтардағы қауіпсіздік ережелерін, табиғи құбылыстардың ерекшеліктерін және төтенше жағдай туындаған кезде дұрыс әрекет ету жолдарын түсіндірді. Оқушылар қар көшкінінің негізгі себептерімен, ауа райының өзгеруінің әсерімен, жер сілкінісі сияқты табиғи факторлар және адам әрекеті салдарынан болуы мүмкін қауіптермен

Құрметті ата-аналар! 2025 жылдың 12 желтоқсанында мектебімізде «Бала тәрбиесіндегі мектеп пен ата-ананың бірлігі – сапалы білімнің кепілі» тақырыбында ашық есік күні өткізіледі. Іс-шара барысында: ІІ тоқсанда алынған БЖБ жұмыстары таныстырылып, оқушылардың білім, білік, дағдылары бойынша кері байланыс беріледі. Барша ата-аналарды ашық есік күніне белсенді қатысуға шақырамыз!

6 желтоқсанда Тәуелсіздік мерекесіне орай отбасылық спорттық-эстафета өтті.  Әр отбасы бірліктің күші мен ұйымшылдықтың жарқын үлгісін көрсетті. Бұл сайыс — тек спорт қана емес, отбасының жүрегіндегі байланыс пен еліміздің болашағына деген сенімнің көрінісі.  Бірлікте – қуат, бірлікте – Тәуелсіздік!

“Адал азамат” біртұтас тәрбие бағдарламасы аясында, “Даналық мектебі” жобасы бойынша 9-сынып оқушылары арасында тағылымды тәрбие сағаты өтті. Іс-шараның басты мақсаты — оқушылар мен үлкендер арасындағы рухани байланысты нығайту, ұлттық құндылықтарды дәріптеу, ата-әжелерден қалған даналық сөздер мен өмірлік тәжірибені жас ұрпақтың бойына сіңіру. Тәрбие сағаты барысында оқушылар ата-әжелердің ақыл-кеңестерін тыңдап, өнегелі әңгімелер арқылы адамгершілік, сыйластық, еңбекқорлық сияқты асыл

2025 жылдың 3 желтоқсанында Республикалық “Дарын” РҒПО-ның ұйымдастыруымен лицейде география пәні мұғалімдеріне арналған республикалық оқу семинары өтті.  Еліміздің түкпір-түкпірінен келген география пәні мұғалімдері олимпиадаға дайындықтың заманауи әдістемелерімен танысты. Семинар соңында «Олимп шыңы» республикалық олимпиадасының жабылу салтанаты өтті. Бұл күн дарынды да талантты педагогтердің еңбегін жоғары бағалауға арналған есте қаларлық сәт болды.  Барлық қатысушыларға алғысымыз шексіз!

2025 жылдың 2 желтоқсанында лицейімізде география пәні мұғалімдеріне арналған республикалық оқу семинары өтті. Шараға еліміздің түкпір-түкпірінен география пән мұғалімдері қатысып, олимпиадаға дайындықтың заманауи әдістемелерімен танысты. Семинардың мақсаты – оқушыларды олимпиадаға дайындау тәжірибесімен бөлісу, педагогтердің кәсіби құзыреттілігін арттыру және оқушылардың зерттеу-талдау дағдыларын дамытуға бағытталған тиімді тәсілдерді талқылау. Іс-шара барысында олимпиадалық тапсырмалармен

«Таза Қазақстан» акциясы өз жалғасын табуда. Табиғатты қорғау – баршамыздың ортақ борышымыз. 10 «Д» сынып оқушылары «Экологиялық десант» ретінде лицей ауласын тазартып, қоршаған ортаға жанашырлықпен қараудың жарқын үлгісін көрсетті. Бұл бастама жас ұрпақтың экологиялық мәдениетін қалыптастырып, туған жерге деген жауапкершілігін арттыра түсті. Табиғатқа деген сүйіспеншілік пен азаматтық ұстанымды нығайтқан осы игі істі жалғастыру эстафетасын 10 «Ғ» сыныбына жолдаймыз.

2025 жылғы 27 қарашада «Жасанды интеллект дәуірінде саналы ұрпақ тәрбиесі және «Адал азамат» бағдарламасын іске асыру» атты халықаралық ғылыми-практикалық конференция өтті. Конференция барысында білім беру үдерісінде жасанды интеллектіні қолданудың педагогикалық, әдістемелік және құқықтық қырлары, сондай-ақ оқушылардың цифрлық құзыреттерін дамыту бағыттары мен мұғалімдердің кәсіби өсу мүмкіндіктері жан-жақты талқыланды. Сонымен бірге оқу-тәрбие жүйесіне «Адал азамат» біртұтас тәрбие

2025 жылдың 27 қарашасында  7-сынып оқушыларына арналған «Біз біргеміз! Буллингке жол жоқ!» тақырыбында психологиялық тренинг өткізілді. Тренинг оқушылардың буллингке деген көзқарасын өзгертуге, достық қарым-қатынасты арттыруға және бір-біріне деген сенімділік пен қолдау сезімін қалыптастыруға ықпал етті. Оқушылар белсенді қатысып, тренинг жоғары деңгейде өтті.

21 қараша күні 9-сыныптар арасында Міржақып Дулатұлының 140 жылдығына арналған мазмұнды іс-шара өтті. Оқушылар тұлғаның өмірі мен шығармашылығын таныстырып, көркем оқулар жасап, тарихи көріністер қойып, шығармашылық жобаларын ұсынды. Шара жас ұрпаққа Міржақып мұрасының мәнін терең түсіндіруге, ұлттық рухты оятуға бағытталды.