Саналы ұрпақ тәрбиесінде ЖИ рөлі: тәжірибе, пікір алмасу және даму бағыттары

2025 жылғы 27 қарашада «Жасанды интеллект дәуірінде саналы ұрпақ тәрбиесі және «Адал азамат» бағдарламасын іске асыру» атты халықаралық ғылыми-практикалық конференция өтті. Конференция барысында білім беру үдерісінде жасанды интеллектіні қолданудың педагогикалық, әдістемелік және құқықтық қырлары, сондай-ақ оқушылардың цифрлық құзыреттерін дамыту бағыттары мен мұғалімдердің кәсіби өсу мүмкіндіктері жан-жақты талқыланды.

Сонымен бірге оқу-тәрбие жүйесіне «Адал азамат» біртұтас тәрбие бағдарламасын тиімді енгізу мәселелеріне арналған баяндамалар ұсынылып, қатысушылар арасында пікір алмасу және сұрақ-жауап алаңы ұйымдастырылды.