07
октябрь
2021
Президенттік олимпиаданың қалалық кезеңі өтті.
"Дарын" республикалық ғылыми-практикалық орталығының ұйымдастыруымен 2021 жылы қыркүйектің 30 жұлдызында жаратылыстану-математика бағытындағы пәндер бойынша Президенттік олимпиаданың қалалық кезеңі өтті. Алматы қаласы бойынша қатысқан 465 оқушының ішінен 21 оқушы республикалық кезеңге жолдама алды. Осы олимпиадаға №178 мамандандырылған лицейдің 11-сынып оқушылары да қатысты. Білім додасына 23 оқушы қатысып, 16 оқушы жүлделі орындарға ие болды. Оның ішінен, 8 оқушы 3-орын, 5 оқушы 2-орын алды. Ал Мырзабекова Жанерке, Байтақ Таңқұлан, Оразалы Қуаныш жоғары балл жинап, 1 орынды иеленді және республикалық кезеңге жолдама алды. Білімді де, білікті шәкірттеріміздің республикалық кезеңнен де жеңіс тұғырынан көрінуіне тілектеспіз!
