14
декабрь
2020
ХІІІ Президенттік олимпиада жеңімпаздары
ҚР Білім және ғылым министрлігінің «Дарын» республикалық ғылыми-практикалық орталығының ұйымдастыруымен математика, физика, биология және химия пәндерінен президенттік олимпиада өткізілді. Олимпиаданың басты мақсаты: жаратылыстану-математикалық бағытта дарынды оқушыларды анықтап, оларға қолдау көрсету, білім-білігі мықты талантты жастарға жағдай жасай отырып, патриоттық рухын биіктетіп, елдік тұрғыда тәрбие беру.
Жалпы білім беретін ұйымдарының түлектеріне арналған ХІІІ Президенттік олимпиаданың үшінші (республикалық) кезеңі аяқталды. Олимпиадаға республиканың жалпы білім беру ұйымдарының бұрын республикалық және халықаралық пәндік олимпиадаларға қатыспаған биылғы оқу жылының түлектері қатысты. Олимпиаданың әрбір қатысушысы барлық кезеңдерінде төрт пән: математика, физика, химия және биология бойынша тапсырмаларды орындады.
№ 178 лицейдің 11 сынып оқушылары осы сынға қатысып, жүлделі орындарға ие болды. Мұхамеджан Салтанат – І орын иеленсе, Құсайынов Бексұлтан мен Абдумалик Махаббат – ІІІ орын иеленді. Шәкірттерімізді құттықтай отырып, шығармашылық табыстар тілейміз!