Әл-Фараби атындағы қашықтықтан халықаралық олимпиада

Қазақстан Республикасы Білім және ғылым министрлігінің «Дарын» республикалық ғылыми-практикалық орталығы ұлы ғалым, философ, ойшыл Әбу Насыр Әл-Фарабидің 1150 жылдығын мерекелеу аясында жаратылыстану-математика циклы пәндері бойынша Әл-Фараби атындағы қашықтықтан халықаралық олимпиада 30 қазанда өткізілді. 

Олимпиаданың негізгі мақсаттары мен міндеттері: дарынды балалар мен талантты жастарды анықтау, оқу пәндеріне қызығушылықты дамыту, оқушылардың шығармашылық белсенділігін дамыту, олардың мәдени ой-өрісін кеңейту, сабақтан тыс жұмыстарды жандандыру, олимпиада қатысушыларына өз білімдері мен дағдыларын балама бағалауға мүмкіндік беру. Олимпиадаға математика, физика, химия, биология және география пәндері бойынша  №178 лицейдің 10 сыныптарынан 62 оқушы қатысуда. Оқушыларымызға олимпиада барысында сәттілік тілейміз!