Алматы қаласы №178 мамандандырылған лицейде 9-11 сынып оқушылары арасында Алатау аудандық ПБ ЖПҚБ ЮПБ-нің аға инспекторы полиция майоры Л.Т.Жампеисова мектеп әкімшілігімен бірлесіп, жалпы құқықтық тақырыпта профилактикалық әңгіме жүргізді. Мектеп бітірушілерге ҚР ӘҚБтК-нің 615-бабының 5-бөлігі, 593-бабының 1-1-бөлігі, 440, 441, 442, 127-баптары және баптардың санкциялары түсіндірілді.

«Шабыт» жобасы аясында 18 мамыр – Халықаралық музей күніне орай ҚР Мемлекеттік Орталық музейінде 2025 жылы 17 мамыр күні сағат 18:00-ден 23:00-ге дейін «МУЗЕЙ ТҮНІ – 2025» дәстүрлі мәдени акциясы өтті. Ауқымды мәдени оқиғаға айналған бұл шарада лицейіміздің оқушылары “Аталар аманаты – ұлы жеңіс” тақырыбында балалар мен жасөспірімдерге арналған викториналар мен сайыстар өткізді. Музей қонақтарын ойынға қызықтырып, озық шыққандарды марапаттап, арнайы сыйлықтар табыстады.

Қауіпсіздік - жеке адамның, қоғамның, мемлекеттің өмірлік маңызды мүдделерінің ішкі және сыртқы қатерден қорғалуы. Балалардың өмірі мен денсаулығы - ұлттық қауіпсіздіктің негізі және мемлекетіміздің болашағы болып табылады. Өскелең ұрпақ арасында қауіпсіздік мәдениетін арттыру мақсатында №178 мамандандырылған лицейде "КӨМЕК" бағдарламасы аясында оқушыларға "Өскелең ұрпақ арасында қауіпсіздік мәдениеті" тақырыбында сынып сағаттары өтті.  

«Біртұтас тәрбие» бағдарламасының жоспарына сай «Заң және тәртіп», «Адал азамат» тақырыптарында 5-11 сынып оқушылары эссе жазды. Нәтижесінде үздік эссе жазған оқушылар дипломмен марапатталды.

2025 жылдың 16 мамырында өткен «Алматы BALAFEST-2025»фестивалі аясында ұйымдастырылған “RoboMind-2025” робототехника байқауында лицейіміздің 7-8-сынып оқушылары FIRST LEGO League Challenge санатында бақ сынап, RoboMind-2025-те жүлделі 3-орын иеленді. “Robot Performance Award – 3rd place”номинациясына ие болды! Жетекшісі: Сәлмеке А. Бұл жеңіс — оқушыларымыздың техникалық сауаттылығы мен командалық жұмысының жарқын нәтижесі!Құттықтаймыз! Жаңа технологиялар әлемінде табыстарыңыз арта берсін!

2025 жылдың 16 мамырында Алматы қаласында ҚР Президентінің жанындағы Ұлттық ғылым академиясының ұйымдастыруымен І Жас зерттеушілер форумы өтті. Форумға ҚР Оқу-ағарту министрі Ғани Бейсембаев, академиктер, жетекші жас ғалымдар мен еліміздің барлық өңірінен келген 400-ден астам дарынды оқушылар мен олардың ғылыми жетекшілері қатысты. Алматы қаласының атынан қатысқан 4 оқушы өз жобаларын сәтті қорғап, жүлделі орындарға ие болды. І дәрежелі диплом иегерлері –лицейімізлің 10”Е” сыныбының оқушылары -

«Адал азамат» біртұтас тәрбие бағдарламасын іске асыру мақсатында ұйымдастырылған “Өнегелі 15 минут” жобасына лицейдің 9-сынып оқушылары белсене қатысты. Жоба аясында үзіліс уақытында оқушылар ұлттық рухты ұлықтап, күй өнерін насихаттау мақсатында домбыра шертті. Бұл бастама оқушылардың ұлттық құндылықтарға деген құрметін арттырып, рухани-мәдени тәрбие беруде маңызды рөл атқарды. Домбыраның күмбірлеген үні мектеп дәлізінде ерекше атмосфера орнатып, тыңдаушылардың көңілінен шықты.

"Адал азамат" біртұтас тәрбие бағдарламасын іске асыру мақсатында ұйымдастырылған "Менің Қазақстаным” жобасы аясында оқушылар эссе жазды. Эссе тақырыптары адамгершілік, әділдік, отансүйгіштік және жауапкершілік сияқты құндылықтарды қамтыды. Бұл жұмыс оқушылардың ой-өрісін кеңейтіп, ішкі дүниесін тануға және өз пікірін еркін жеткізуге мүмкіндік берді. Эссе жазу арқылы олар адалдықтың маңызын түсініп, шынайы азамат болудың жолдарын терең пайымдады.

№178 мамандандырылған лицейдің "БУЛАНАЙ" домбыра үйірмесінің оқушылары "Алматы БАЛА FEST-2025" байқауының "Аспаптық музыка" номинациясының қалалық кезеңіне қатысып 2-орын иеленді.

Лицейіміздің "SHINE" би тобының қыздары "Алматы БАЛАFEST-2025" байқауының "Жұлдызды сәт" хореография номинациясының қалалық кезеңіне қатысып, жүлделі 3-орын иеленді.