№178 мамандандырылған лицейінің 7 «В» сынып оқушылары мен ата-аналары керемет күнді табиғат аясында өткізіп, таза ауада демалып, таудың тылсым тынысын бірге сезінді. Сынып жетекшісі — Слямғалиева Гүлнар Нәбиевнаның бастамасымен ұйымдастырылған бұл серуен жай ғана демалыс емес, жан дүниені жаңартатын, ата-ана мен бала арасын жақындататын, сыныпты бір отбасыдай біріктіретін тамаша тәжірибе болды. 

«Таза Қазақстан» экологиялық науқаны аясында лицейіміздің 10 «Ж» сынып оқушылары: Сабитова Жанель, Манасбай Амина және Аманжол Дарын белсенділік танытып, қоршаған ортаны қорғауға өз үлестерін қосты. Оқушыларымыз мектеп аумағында қоқысты сұрыптап, қағаз қалдықтарын арнайы жәшіктерге бөліп жинау жұмыстарын жүргізді. Олардың бұл әрекеті – табиғатқа жанашырлықтың, азаматтық жауапкершіліктің және экологиялық мәдениеттің айқын көрінісі.

11-сынып оқушыларымен лицей психологтары тарапынан ҰБТ-ға дайындыққа байланысты мотивациялық тренинг өткізілді. Бұл кездесу барысында оқушылар өз мақсаттарын айқындап, ҰБТ алдындағы қобалжуды жеңу жолдарын үйренді. Алдағы сынақта барша түлектерге сәттілік тілейміз! 

2025 жылғы 21–28 қыркүйек аралығында Қазан қаласында өткен БРИКС елдері қалаларының балалар фестивалінде Алматылың дарынды өрендері БАС ЖҮЛДЕ жеңіп алды! Еліміздің көк туын көкте желбіреткен 11-сынып оқушылары Жұмабек Қажыгелді мен Аманжол Ералы лицей намысын абыроймен қорғап, шығармашылығымен тәнті етті! Мәдениет. Білім. Шығармашылық. Жеңіс. Барлығы – бір арнада, бір жүректе! ҚҰТТЫ БОЛСЫН! Дарынды ұрпақ – жарқын болашақтың кепілі! 

№178 мамандандырылған лицейде жер сілкінісі жағдайындағы іс-әрекеттерді үйретуге арналған сейсмологиялық жаттығу өткізілді. Бұл шараның негізгі мақсаты — оқушылар мен ұстаздардың қауіпсіздік мәдениетін арттыру, төтенше жағдайда дұрыс қимыл-қозғалыс жасауға үйрету. Жаттығу барысында дабыл белгісі беріліп, оқушылар сыныптарынан шығып, мұғалімдердің нұсқауымен қауіпсіз аймаққа шықты. Әр сынып жетекшісі өз оқушыларының толық жиналғанын тексеріп, белгі берді.  

"Алматы дарыны" ұйымдастырған "Ұлы өнертапқыштыққа алғашқы қадам" республикалық инновациялық идеялар байқауының қалалық кезеңінде 9 "А" сынып оқушысы Қайрат Нариман І дәрежелі дипломға ие болды. Номинациясы — автокөліктің қолданыстағы модельдерін әзірлеу саласындағы техникалық құрастыру. Жетекшісі — Жумагулова С.А.Нариманды ерекше жетістігімен құттықтап, одан әрі шығармашылық табыстар тілейміз! 

Қазақстандағы кәсіподақ қозғалысының 120 жылдығына арналған Алматы қаласы мұғалімдері арасындағы әйелдер волейбол жарысы өтті. Жарысқа қаланың 8 ауданынан іріктелген үздік командалар қатысты. Мақсаты — білім беру мекемелеріндегі мұғалімдер арасында салауатты өмір салтын қалыптастыру, педагогтардың спорттық шеберлігі мен физикалық дайындығын арттыру, ұстаздар арасындағы достық пен ынтымақтастықты нығайту болды. Лицейіміздің намысын жаттықтырушысы әрі ойыншысы М.К. Утешова мен команда ойыншысы

"Таза қала – жарқын болашақтың кепілі" атты экологиялық акциясы өтті. Акция барысында оқушылар лицей аумағындағы гүлдер мен ағаштарға қамқорлық көрсетіп, оларды суарып, айналасын тазартып, күтім жасады. Іс-шараға оқушылар мен ұстаздар белсенді қатысып, табиғатты аялау мен қоршаған ортаға жанашырлықпен қараудың маңызын көрсетті. Мұндай игі бастамалар оқушылардың экологиялық сана-сезімін қалыптастырып, жауапкершілікке тәрбиелейді. 

"Таза Қазақстан" экологиялық акциясына лицейдің эко-клуб мүшелері белсене атсалысты. Олар мектеп ауласын және оның айналасын қоқыстан тазартып, ағаштар мен гүлдер отырғызды. Бұл шара арқылы оқушылар табиғатты қорғаудың маңызын түсініп, экологиялық мәдениетті қалыптастыруға өз үлестерін қосты. Эко-клуб мүшелерінің белсенділігі өзгелерге үлгі болып, қоршаған ортаға жанашырлықпен қарауға үндеді.

Лицейдің 8 "Б" сынып оқушылары сынып жетекшісі Өкпебаева Салтанат апаймен бірге балалар үйіне барды. Олар балаларға сыйлықтарын тарту етіп, балалармен ойындар ойнап, жылы көңіл-күй сыйлады. Бұл кездесу оқушыларға мейірімділік пен жанашырлықтың маңызын терең түсіндіріп, жүректеріне адамгершілік сезімін оятты.