Дәйексөз: «Жауапкершілік – адамгершілік қасиеттің көрінісі» Лицейімізде осы тақырып аясында сынып сағаттары өтті. Оқушылар жауапкершілік ұғымының адамгершілікпен тығыз байланысты екенін талқылады. Жазушы Сапарғали Бегалиннің туғанына 130 жыл толуына орай шығармалары мысалға алынып, оның еңбектеріндегі адалдық, еңбекқорлық және жауапкершілік идеялары кеңінен түсіндірілді. Іс-шара оқушылардың жақсы қасиеттерді бойына сіңіріп, дұрыс адамгершілік ұстанымдарын қалыптастыруына ықпал етті.

Бүгін, 15 қараша, лицей оқушылары «Адал азамат – біртұтас тәрбие» бағдарламасы аясында және “Таза Қазақстан” жобасы бойынша лицей ауласын, қоқыс алаңдарын тазартып, қоршаған ортаны қорғауға үлес қосты.  Әр кішкентай қадам – адалдық пен жауапкершіліктің белгісі. Бірлікпен істелген іс – үлкен нәтиже береді! 

15 қараша күні Дүниежүзілік балалар күніне арналған республикалық онкүндік аясында лицейімізде 8-сынып оқушылары арасында қызықты волейбол турнирі өтті. Шараның мақсаты – оқушылардың денсаулығын нығайтуға ықпал ету, спорттық белсенділігін арттыру, олардың бос уақытын тиімді ұйымдастыру. Алаңда әр команда соңына дейін белсенділік танытып, шеберлігін көрсетті. Жарыс нәтижесінде жеңіс тұғырынан көрінді:  I орын – 8 “В” сыныбы  II орын – 8 “Б” сыныбы  III орын – 8 “А” сыныбы  Осындай шаралар

Бүгін, 15 қараша – Ұлттық валюта күні аясында лицейде қызықты танымдық шаралар ұйымдастырылды. Оқушыларымыз теңгенің тарихы, оның мәні мен қоғамдағы рөлі туралы маңызды ақпарат алды, пікірталастарға қатысып, өз білімдерін жетілдірді.  Мұндай шаралар жас ұрпақты қаржылық сауаттылыққа, ұлттық құндылықтарды бағалауға баулиды.

Алматы қаласы Білім басқармасы мен ҚБЖТ ҒӘО-ның ұйымдастыруымен өткен Ш.Уәлихановтың 190 жылдық мерейтойына арналған география пәні мұғалімдері арасындағы аудандық «Ұлы саяхатшы ізімен» олимпиадасында лицейіміздің тәжірибелі де талапты ұстазы Машанов Жанатбек Чаймолдаевич өз білімі мен биік дүниетанымын дәлелдеп, І орын иеленді! Бұл жеңіс – ұстазымыздың үздіксіз еңбегінің, кәсібіне деген адалдығының және ғылымға деген шынайы құштарлығының нәтижесі. Енді ол қалалық кезеңде лицейіміздің намысын

Жасөспірімдердің тәуелді мінез-құлқының алдын алу тақырыбында түсіндіру жұмысы өтті Бүгін, 14 қараша күні, жасөспірімдердің тәуелді мінез-құлқының алдын алу (лудомания, ПАВ, интернетке тәуелділік, темекі шегу, алкоголизм) тақырыбында ақпараттық-түсіндіру жұмысы жүргізілді. Іс-шараға келесі мамандар қатысып, оқушыларға маңызды ақпарат ұсынды: №29 қалалық емхананың жалпы тәжірибелік дәрігері — Үсенова Гүлфарида Тұрғанбекқызы №29 қалалық емхананың психологы — Құсайынова Әсел Бақытжанқызы Алатау

Ата-аналар жиналысы: отбасы тәрбиесіндегі жауапкершілік. Бүгін, 13 қараша 2025 жылы, Алматы қаласы Білім басқармасының жоспарына сәйкес 178 мамандандырылған лицейде 5–8-сынып оқушыларының ата-аналарымен жиналыс өтті. Кездесу барысында «Қоғамдағы мінез-құлық ережелерін құрметтеуде отбасының рөлі» тақырыбы талқыланды. Жиналыстың негізгі мақсаты — оқушылардың құқықтық санасын қалыптастыру, жауапкершілік сезімін дамыту және мінез-құлық мәдениетін нығайту болды. Сынып жетекшілері мен ата-аналар бала

Құрметті ата-аналар! №178 мамандандырылған лицейі сіздерді ата-аналар жиналысына шақырады!  Өтетін күндер: 5–8-сыныптар: 13 қараша 2025 ж. 9–11-сыныптар: 14 қараша 2025 ж.  Басталуы: 18:00  Өтетін орны: №178 мамандандырылған лицей Алматы қаласы Білім басқармасының кестесіне сәйкес, қала мектептерінде өтетін ата-аналар жиналыстары аясында ұйымдастырылған бұл іс-шарада сіздердің қатысуларыңыз өте маңызды! Балаңыздың болашағына бірге үлес қосайық! 

Лицейіміздің кәсіби бағдар беру бойынша маманы Тілеужан Әбілқайыр 8-сынып оқушыларына қазақ тілі пәнінен "Мамандық және оның түрлері" тақырыбында түсіндірме жұмыстарын жүргізді. Пән мұғалімі: қазақ тілі мен әдебиеті пәнінің мұғалімі, педагог-зерттеуші -  Оспанбекова Айжан.

6 "Б" сынып оқушылары ІІ тоқсанды қазақтың  ұлы ақыны - Абай Құнанбайұлының 180 жылдық мерейтойына орай "Абай әлемі" атты тақырыпта бастады. Алдағы уақытта ақынның қара сөздерін насихаттап және  өлеңдерін оқып,  Абай атындағы Қазақ Ұлттық Педагогикалық Университетінде саяхат-сабағы жобасы бойынша баруды жоспарлап отыр.