Алатау ауданында алаңының алдында Ұлыстың ұлы күні — Наурыз мерекесі кең көлемде аталып өтті.

Мерекелік шара барысында аудан мектептері қазақ халқының бай салт-дәстүрлерін насихаттап, ұлттық құндылықтарды дәріптеді. Әр білім ордасы өз өнерлерін ортаға салып, көрермендерге ерекше әсер сыйлады.

Соның ішінде №178 лицей ұжымы қазақтың тағылымға толы «Құда түсу» дәстүрін сахналық қойылым арқылы жоғары деңгейде көрсете білді. Көрініс арқылы ата-бабамыздан келе жатқан әдет-ғұрыптың мәні мен маңызы кеңінен насихатталды.

Ұлттық рухты жаңғыртқан бұл мереке барша қатысушыларға көтеріңкі көңіл-күй сыйлап, дәстүр мен тәрбиенің сабақтастығын тағы бір дәлелдеді.