2025 жылдың 5 желтоқсанында №178 мамандандырылған лицейде Әбдімажит Қоңырбайұлы Өтеш атындағы математикалық олимпиада өтті.  72 оқушы қатысқан додада:  4 оқушы – 1-орын 6 оқушы – 2-орын  8 оқушы – 3-орын иеленді. Жеңімпаздарды белгілі ғалымдар мен қоғам қайраткерлері марапаттап, жас математиктерге ерекше шабыт сыйлады. Барлық жүлдегерлерді құттықтаймыз!

Еңбек Ері, физика-математика ғылымдарының докторы, профессор Асқар Серқұлұлы Жұмаділдаевпен ерекше кездесу өтті. Бұл жүздесу оқушылар үшін ғылымға деген қызығушылықты оятқан, болашаққа бағыт берер ой мен естелікке толы сәт болды. Асқар Серқұлұлы математика ғылымының дамуы, білім мен ғылымға адал ұрпақ тәрбиелеу жолындағы тәжірибесімен бөлісті. Осындай кездесулер жас буынның ғылымға сенімін арттырып, кәсіби бағдарын айқындауға маңызды үлес қосады. Асқар Серқұлұлына лицейде жас ұрпаққа ғылымға

«Өнерлілер алаңы» көпжанрлы халықаралық өнер байқауында Ержанұлы Алқар мен Ержанұлы Ерен үздік  көрсетіп, Гран-при жеңіп алды!  Оқушылардың орындауындағы «Поппури» күйі қазылар алқасын тәнті етіп, ең жоғары бағаға ие болды. Бұл жеңіс оларға Дубай қаласына жолдаманы ұтып әперді — үлкен еңбектің, дарынның және табандылықтың нәтижесі. Алқар мен Еренді шын жүректен құттықтаймыз! Шығармашылықтары өрлей берсін, халықаралық сахналарда талай биіктерді бағындыра берсін!

2025 жылдың 3 желтоқсанында Республикалық “Дарын” РҒПО-ның ұйымдастыруымен лицейде география пәні мұғалімдеріне арналған республикалық оқу семинары өтті.  Еліміздің түкпір-түкпірінен келген география пәні мұғалімдері олимпиадаға дайындықтың заманауи әдістемелерімен танысты. Семинар соңында «Олимп шыңы» республикалық олимпиадасының жабылу салтанаты өтті. Бұл күн дарынды да талантты педагогтердің еңбегін жоғары бағалауға арналған есте қаларлық сәт болды.  Барлық қатысушыларға алғысымыз шексіз!

Республикалық пәндік «Олимп шыңы» олимпиадасында лицейіміздің тәжірибелі ұстазы Машанов Жанатбек Чаймолдаевич 2-орынға ие болды. Бұл жетістік оның география пәні бойынша терең білімін, аналитикалық ойлау қабілетін және шығармашылық дайындығын айқын көрсетті. Жанатбек Чаймолдаевичке алдағы уақытта да толағай табыстар мен жаңа жетістіктер тілейміз! Шығармашылығыңыз шыңдала берсін!

2025 жылдың 2 желтоқсанында лицейімізде география пәні мұғалімдеріне арналған республикалық оқу семинары өтті. Шараға еліміздің түкпір-түкпірінен география пән мұғалімдері қатысып, олимпиадаға дайындықтың заманауи әдістемелерімен танысты. Семинардың мақсаты – оқушыларды олимпиадаға дайындау тәжірибесімен бөлісу, педагогтердің кәсіби құзыреттілігін арттыру және оқушылардың зерттеу-талдау дағдыларын дамытуға бағытталған тиімді тәсілдерді талқылау. Іс-шара барысында олимпиадалық тапсырмалармен

Бүгінгі аптада оқушыларымызбен “Көмек” жобасы аясында және Еріктілер күніне орай тәрбиелік мәні зор сынып сағаттары өткізілді. Басты мақсаты — оқушыларға мейірімділік, өзара жәрдемдесу, қоғамға пайдалы болу идеясын сіңіру. Еріктілік – тек бос уақытта көмектесу емес, ол — жүректің қалауымен жасалатын игі іс, азаматтық жауапкершілік және бірліктің жарқын көрінісі. Сабақ барысында біз:  еріктілер қозғалысының маңызын, қоғамға әсерін;  “Көмек” жобасының мақсатын және оның нақты бағыттарын;

Алматы қаласы бойынша  “ЭКОША” биология-экология конкурсы биыл да жас зерттеушілердің тың идеяларымен, табиғатты аялауға бағытталған жаңа ғылыми көзқарастарымен ерекшеленді. Осы мәртебелі додада өз білімін, зерттеушілік дағдыларын жоғары деңгейде көрсете білген 178 мамандандырылған лицейдің 6 “Б” сынып оқушылары Байқоныс Арна мен Инаятулла Мариям қала көлемінде I орынға ие болды. Олар байқауға ғылыми бағыттағы «Алматы педосферасының тұрмыстық қалдықтарды пайдалану арқылы қасиеттерін жақсарту»

«Таза Қазақстан» акциясы өз жалғасын табуда. Табиғатты қорғау – баршамыздың ортақ борышымыз. 10 «Д» сынып оқушылары «Экологиялық десант» ретінде лицей ауласын тазартып, қоршаған ортаға жанашырлықпен қараудың жарқын үлгісін көрсетті. Бұл бастама жас ұрпақтың экологиялық мәдениетін қалыптастырып, туған жерге деген жауапкершілігін арттыра түсті. Табиғатқа деген сүйіспеншілік пен азаматтық ұстанымды нығайтқан осы игі істі жалғастыру эстафетасын 10 «Ғ» сыныбына жолдаймыз.

Лицейіміздің 10-сынып оқушылары Алматы технологиялық университетінде "ATU Open Day" және "Білім, Тәжірибе, Мүмкіндік" тақырыбында өткен ашық есік күніне қатысты. Университет тарапынан оқушыларға студенттік атмосфераны сезіну үшін шоу ұйымдастырылып, шара соңында кәсіби бағдар беру бойынша мамандықтарға байланысты түсіндірме жұмыстары жүргізілді.