Білім мен еңбектің жемісі: олимпиада жеңімпаздары марапатталды

9-13 сәуір аралығында Тараз және Шымкент қалаларында қоғамдық-гуманитарлық бағыттағы пәндер бойынша Республикалық олимпиада өз мәресіне жетті. Еліміздің түкпір-түкпірінен жиналған ең мықты білімпаздар бақ сынасқан бұл додада біздің лицейіміздің абыройын 11-сынып оқушысы Серікқазы Аяжан мен Талғат Тұнық көтерді. Талғат Тұнық Алматы қаласы бойынша Қазақстан тарихынан 1-орын, 

Аяжан орыс тілі мен әдебиеті пәнінен 1-орын алып, республикалық кезеңге жолдама алған болатын. Аяжан өзінің терең білімі мен шығармашылық қабілетін көрсетіп, қазылар алқасының жоғары бағасына ие болды. Нәтижесінде, республикалық деңгейдегі озық білімі үшін Қазақстан Республикасы Оқу-ағарту министрлігінің Мақтау қағазымен марапатталды.

Бұл марапат — ұзақ жылғы ізденістің, ұстаз еңбегі мен шәкірт талабының жарқын көрінісі. Аяжанды үлкен жетістігімен құттықтаймыз! Сөз маржанын терген жас дарынның болашағы бұдан да жарық боларына сеніміміз мол!