№ 178 лицейде 2020 жылы 6 ақпан күні болашақты жасайтын ертеңгі азаматтар – бүгінгі жас ұрпақ, оларды тәрбиелеу мақсатымен өзін-өзі тану пәні мұғалімі Сұлтанкулова Илара «Патриоттық, адамгершілік, қайырымдылық» атты тақырыпта дебат өткізді. Шараға 8-9 сынып оқушылары қатысты.
Іс-шара барысында оқушыларға тақырыптық бейнеролик көрсетілді. Әр оқушы фильмнен көрген әсерін, өз ойын ортаға салды. «Адамға ең бірінші керегі – тәрбие беру. Тәрбиесіз берілген білім – адамзаттың қас жауы, ол келешекте оның өміріне опат әкеледі», — деген екен данышпан Әл-Фараби бабамыз. Жас ұрпаққа тәрбие берудің ең бір қажеттісі, бұл — патриоттық тәрбие. Рухани дамыған, бәсекеге қабілетті тұлға қалыптастыру үшін оқу-тәрбие процесінде адамгершілік танымдық, ұлттық, әлемдік салауатты өмір салтын, дүниетанымдық бағыттағы мәдениеттерді дамытуымыз керектігін айтып кетті.
«Өзін-өзі тану: Махаббат пен Шығармашылық педагогикасының» аясында «Отбасы құндылығы» тақырыбын ала отырып 6 сынып балалар арасында театрланған қойылымдар мен спектакльдер ұйымдастырылды.