СДУ — мүмкіндіктер ортасы Лицейіміздің 10-сынып оқушылары кәсіби бағдар беру бойынша ғылыми-ақпараттық саяхат-сабағы жобасы негізінде Қаскелен қаласында орналасқан Сүлеймен Демирел университетіне арнайы барып, ондағы ішкі және мемлекеттік гранттар, мамандық бойынша т.б маңызды ақпараттарды алып, өз мүмкіндіктерін толықтай пайдаланды.

Лицейіміздің химия-биология бағыты бойынша оқитын және медицина саласына қызығатын 10-сынып оқушылары қаламыздағы Санжар Асфендияров атындағы Қазақ Ұлттық Медициналық Университетіне барып, оқу орнындағы анатомия лабораториясында өндірістік сабаққа қатысты. Оқушыларымызға аталған университеттің мамандары анатомия және жалпы медицина жайында құнды ақпараттарды таныстырып, мамандық бойынша пікір алмасты. Өткен жылы жасалған өзара ынтымақтастық келісім МЕМОРАНДУМ нәтижесі бойынша жүзеге асырылған

Алматы энергетика және байланыс университетінің кәсіби бағдар беру бойынша мамандары лицейімізге келіп, 11-сынып оқушыларына университет және грант пен мамандықтар жайлы ақпараттарды түсіндірді.

⛳ Лицейіміздің 9-10 сынып оқушылары кәсіби бағдар беру бойынша өндірістік сабақ жобасы аясында "Garant Sport" кешенінде арнайы өндіріліп, қолданысқа берілген спорттық жабдықтарды қалай өндіру керек екендігін түсініп, білу үшін өндіріс орнындағы саяхат-сабағына қатысып, кәсіби мамандардың атқарып жатқан жұмыстарымен танысты. Өндірістегі сабақтың негізгі мақсаты: оқушыларды мамандыққа баулу және оны дәріптеу болып табылады. Оқушылар тәжірибелік жұмысқа белсене қатысып, қызығушылық танытты.

Лицейіміздің оқушылары Атакент орталығында ұйымдастырылған "Білім және Мансап" көрмесіне қатысып, өздеріне керек ақпараттармен танысты.

"KIMEP" университетіне ГРАНТ Лицейіміздің 11-сынып оқушысы — Айсынова Інжу "KIMEP" университетінің 4 жылдық ГРАНТ иегері атанды. Дарынды оқушымыз 10-сыныпта ғылыми-ақпараттық саяхат-сабағына бару арқылы аталған университеттің ішкі ережелерімен танысқан болатын. Міне, араға 1 жыл салып университет тарапынан ұйымдастырылған ішкі грантқа өтініш беріп, "Бизнес — маркетинг" жобасы бойынша топтық жұмыспен сынға түсіп, өзіне тиесілі грантты жеңіп алды. Оқушымыздың жетістігі мұғалімдер мен лицей

Кәсіби бағдар беру жұмысы бойынша 11-сынып оқушыларынан "Дұрыс таңдау жаса!" тақырыбында сауалнама алынды.

Лицейіміздің 11-сынып оқушыларына "New Generation" орталығының мамандары ҰБТ және кәсіптік бағдар беру бойынша түсіндірме жұмыстарын жүргізді.

Лицеймен арнайы ынтымақтастық келісім жасаған "Alatau Creative Hub" шығармашылық орталық мүшелерімен түсіндірме жұмыстары жүргізілді. Аталған орталықтың үйірме жетекшілері лицейдің 5-8 сынып оқушыларына тегін үйірмелер туралы ақпаратпен бөлісіп, алдағы уақытта орталықта өтетін үйірмелерге шақырды.

Лицейіміздің 9-сынып оқушылары Алматы қалалық мемлекеттік мұрағатқа саяхат сабағына қатысып келді. Бұл сабақтың негізгі мақсаты: Оқушыларға кәсіптік бағдар беру бойынша мамандыққа баулу негізінде арнайы ұйымдастырылды. Оқушылар мұрағат орталығында елімізге танымал тарихи тұлғалардың жеке қорлары және құжаттарымен танысты.