Аудандық «Балафест» байқауы аясында өткен «Кітап – білім бұлағы» байқауының «Театр өнері арқылы – оқуға» номинациясы бойынша №178 мамандандырылған лицейдің 6 «Б» сынып оқушылары жүлделі ІІІ орынға ие болды. Жас өнерпаздар өздерінің сахналық шеберлігі мен шығармашылық қабілеттерін жоғары деңгейде көрсетіп, көрермендер мен қазылар алқасының ықыласына бөленді. Бұл жетістік – оқушылардың өнерге деген қызығушылығы мен ұстаздарының еңбегінің нәтижесі.

Лицейдің 10-сынып оқушыларына кәсіби бағдар беру жұмысы бойынша Алматы энергетика және байланыс университетінің мамандары университет пен мамандықтар бойынша түсіндірме жұмыстарын жүргізді. 

Лицейде жүзеге асырылып жатқан «Мен – практик!» жобасы аясында теория мен тәжірибені ұштастыруға ерекше мән берілуде. Осы мақсатта мамандандырылған лицей мен Алматы энергетика және электронды технологиялар колледжі арасында жасалған меморандум негізінде колледж мамандары 9-сынып оқушыларымен кездесіп, практикалық сабақтар өткізді. Сабақ барысында оқушылар энергетика саласының қыр-сырын меңгеріп, өз қолдарымен тәжірибе жасап, алғашқы кәсіби дағдыларын қалыптастыруға мүмкіндік алды.

Кәсіби бағдар беру маманы Тілеужан Әбілқайырдың ұйымдастыруымен лицейдің 10-сынып оқушыларына келесі жылы 11-сыныпта ҰБТ тапсыру және мамандық таңдау бойынша түсіндірме жұмыстарын жүргізді.  Сондай-ақ математика пәнінің мұғалімі: Есенғалиев Санат пен тарих пәнінің мұғалімі: Шынасыл Ғалымжан Жораұлы да өздерінің пікірлерін білдіріп,  оқушыларға маңызды ақпараттарды жеткізді. 

Лицейдің кәсіби бағдар беру бойынша маманы Тілеужан Әбілқайыр «OPENSCHOOL: ТАБЫСТЫ ТӘЖІРИБЕЛЕРГЕ ЭКСКУРСИЯ» тақырыбында өткен қалалық іс-шарада лицейімізде атқарылып жатқан шараларды мектеп директорларына таныстырып, лицейдегі «саяхат-сабағы» және «Мен, практикпін!» жобасын таныстырды.

Өзара ынтымақтастық келісім негізінде арнайы МЕМОРАНДУМ бойынша лицейімізге Санжар Асфендияров атындағы Қазақ Ұлттық Медициналық университетінің мамандары кәсіби бағдар беру бойынша 10-сынып оқушыларына түсіндірме жұмыстарын жүргізді.

Лицейіміздің дарынды оқушысы Қуанышқызы Ерке «Абай әлемі» байқауына қатысып, өзінің бағын сынады.

Лицейіміздің 10-сынып оқушылары кәсіби бағдар беру бойынша Алматы қаласында орналасқан Түрік елшілігінің ұйымдастыруымен өткен "Түрік университеттері көрмесі" шарасына қатысты.

Лицейіміздің кәсіби бағдар беру маманы Тілеужан Әбілқайыр аудандық «БалаFEST» байқауында «БУКТРЕЙЛЕР» бағыты бойынша әділқазылар алқасының құрамында болып, аудан оқушыларының шығармашылық жұмыстарын бағалады.

Алатау ауданы мектептері арасында "БалаFEST" байқауының "театрландырылған көрініс" бағыты бойынша лицейіміздің 6 "Б" сыныбының оқушылары  6-8 сыныптар арасында сайысқа түсіп,  жүлделі ІІІ орын иегері атанды. Лицей оқушылары ақиық ақын Мұқағали Мақатаевтың 95 жылдық мерейтойына орай ақынның шығармаларын насихаттап, өлеңдерін оқып, сахналық қойылым қойды.