5–6-сынып оқушылары арасында өткен жалпы білім беретін пәндер бойынша республикалық олимпиадада лицей мақтанышы Ришат Ерсайын математика пәнінен жүлделі II орынға ие болды. Зерделі білім, тұрақты еңбек, мұғалім мен оқушының ортақ жеңісі! Пән мұғалімі: Нурбекова А. Ерсайынды шын жүректен құттықтаймыз! Болашақта бұдан да биік белестерді бағындыра бер!

Құрметті ата-аналар мен оқушылар! 2024-2025 оқу жылындағы "Қазақ тілі" пәнінен 5,7,8,10-сынып оқушыларының аралық аттестаттаудың талап, ережелерімен таныс болыңыздар!

Ата-аналар мен оқушылар назарына! 5,7,8,10-сынып оқушыларының "Қазақ тілі" пәнінен аралық аттестаттау кестесін ұсынамыз!

«Қазатомөнеркәсіп» Ұлттық атом компаниясы» акционерлік қоғамының қызметкерлері және кәсіби бағдар беру маманы лицейімізге арнайы келіп, 10-сынып оқушыларына техникалық және өнеркәсіп саласындағы бірнеше мамандықтарды таныстырып, оқушыларға түсіндірме жұмыстарын жүргізді.

Қазақ әдебиеті, Қазақстан тарихы, орыс әдебиеті пәндері бойынша өткен “Ғылым шыңы” қалалық байқауында лицейіміз зор жетістікке жетті! Білім мен табандылықтың нәтижесінде лицей қоржынына 30 медальмен толықты. Бұл – оқушыларымыздың тынымсыз еңбегі мен ұстаздарымыздың кәсіби шеберлігінің айқын көрінісі. Жеңімпаздарды және олардың жетекшілерін шын жүректен құттықтаймыз! Біз сендермен мақтанамыз! Алда бұдан да биік шыңдар бағындырыла берсін!

“Тарих зияткері – кемелдікке ұмтылыс" атты қалалық олимпиадасында лицейіміздің 9-10-сынып оқушылары үздік нәтиже көрсетіп, жеңіс тұғырынан көрінді. 1-дәрежелі диплом: Талғат Тұнық Пән мұғалімі: Шынасыл Ғ. 2-дәрежелі диплом: Ұланқызы Ділдә Пән мұғалімі: Темирова Г. Болашақта да шығармашылық табыс, білім жолында биік белестерді бағындыра беріңіздер! Құттықтаймыз!

Тараз қаласында өткен академик М.Өтелбаев атындағы республикалық "ОЙЛАН, ТАП!" математика олимпиадасында 8-сынып оқушысы Бақыт Айерке 150 оқушының ішінен топ жарып, ІІІ орын иеленді! Зияткерлік пен табандылықтың айқын дәлелі болған бұл жеңіс – жас математиктің болашағына ашылған жарқын жол! Пән мұғалімі: Сұлтанова Г.М. Құттықтаймыз! 

«Өскелең ұрпақ арасындағы қауіпсіздік мәдениеті» ұранымен Азаматтық қорғау саласындағы оқу сабақтары жоспарына сай "Судағы қауіпсіздік –  мінез-құлық ережелері" тақырыбында сынып сағаттары өтті.  

Бүгін лицейімізде "КӨМЕК" бағдарламасы аясында «Бірлік және ынтымақ» айлығы негізінде «Қауіпсіз қоғам», «Білімім – Отаныма» тақырыптарында сынып сағаттары өтті.

Алатау ауданының намысын қорғап, Отан қорғаушылар күніне арналған әскери-патриоттық "БЕС QARU" турнирінде көзге түскен мықты жастың бірі — 10 "Ә" сынып оқушысы Жұманазар Айиша. Автомат бөлшектеп-жинау сайысында шапшаңдық пен дәлдіктің үздік үлгісін көрсетіп, жүлделі I орынды жеңіп алды! Бұл жеңіс — тек бір оқушының емес, тұтас ұлттың болашағына деген үміттің белгісі! Жас патриоттар — ел тірегі!