2026 жылғы 4 наурыз күні лицейімізде «Сапалы білім – сенімді болашақ» тақырыбында Ашық есік күні өтті. Іс-шараның мақсаты – ата-аналарды балаларының білімі мен үлгерімімен таныстыру, оқу-тәрбие үдерісінің ерекшеліктерін көрсету және лицей жетістіктерін насихаттау болды. Ашық есік күні барысында ата-аналар пән мұғалімдерімен кездесіп, балаларының оқу жетістіктері туралы толық ақпарат алып, алдағы оқу мақсаттары мен міндеттері жөнінде пікір алмасты.

Қаламыздағы жоғары оқу орындарының бірі – Қазақ көлік қатынастары университеті мамандары лицейге келіп, кәсіби бағдар беру мақсатында оқушылармен кездесу өткізді. Кездесу барысында мамандар университеттің білім беру бағдарламалары, мамандық түрлері және оқуға түсу талаптары туралы жан-жақты түсіндірме жұмыстарын жүргізді. Оқушылар өздерін қызықтырған сұрақтарын қойып, болашақ мамандық таңдау туралы пайдалы ақпарат алды.