2023 жылғы 7-11 қараша күндері Индонезия мемлекеті Бали қаласында оқушылар арасындағы «INTERNATIONAL SCIENCE AND INVENTION FAIR (ISIF – 2023)» атты халықаралық ғылым және өнертабыстар көрмесі өтті.      Алматы қаласы Білім басқармасы «Алматы дарыны» орталығының қолдауымен аталған көрмеге №178 мамандандырылған лицей оқушылары Нышанбай Ажар мен Жандарбек Тоғжан қатысып әлемдік аренада жеңіс тұғырынан көрініп алтын медаль иегері атанды. Ғылыми жетекшілері: Жұмабай Ф.М., Бақытжан Н.    

     Жаратылыстану-математика циклы пәндері бойынша XVІ Президенттік олимпиаданың қалалық кезеңінің жеңімпаздары - №178 мамандандырылған лицейдің 11-сынып оқушылары Мырзабекова Марал мен Токаева Айгерим салтанатты түрде І дәрежелі дипломмен марапатталды.      Жалынды да талантты оқушыларымыздың жеткен жетістіктері құтты болсын! Алдағы республикалық кезеңде оларға тек қана сәттілік тілейміз!

     №178 мамандандырылған лицейде "ЖасStar" өзін-өзі басқару парламент ұйымының ұйымдастыруымен 7-8 сыныптар арасында «Рубик, кубик» текшесін жинақтау байқауы өткізілді. Нәтижесінде: 1-орынды Кайрхан Нұржан, 7 "Б" сынып оқушысы; 2-орынды Қуаныш Мейірлан, 7 "Г" сынып оқушысы; 3-орын Ихсан Шерухан, 8 "Д" сынып оқушысы жеңіп алды.     «Рубик, кубик» текшесін жинақтау байқауын ұйымдастырғаны үшін 8 "Д" сынып оқушысы Мырзахмет Ақжарқын лицей директорының алғыс хатымен марапатталды. 

Туристік-өлкетану қызметін жандандыра отырып, балалар мен жасөспірімдердің патриоттық және азаматтық сезімдерін қалыптастыру, салауатты өмір салтын насихаттау мақсатында 2023 жылдың 3 қарашасында Алматы қаласы Білім басқармасы "Оқушылар сарайы" МКҚК  ұйымдастыруымен "Медеу -2023" марафоны өткізілді. Қалалық деңгейде өткен бұл туристік марафоннан лицей оқушылары да қалыс қалған жоқ. Сондай-ақ, лицей шәкірттері қатарына ағымдағы жылы ғана қосылса да, үздіктер қатарынан көрінген 7-сынып оқушылары

     2023 жылдың 29 қазаны мен 1 қарашасы аралығында Ақтөбе қаласында жас тарихшылардың «Менің шағын Отаным» атты республикалық интеллектуалдық конкурсы өтті. Республикалық кезеңнің қорытындысы бойынша №178 мамандандырылған лицейіміздің 10 "Г" сынып оқушысы Байжұма Айзере «Шағын Отанымның символы» номинациясы бойынша 🥉орынға ие болды. 🏆 Дарынды оқушымыздың жеткен жетістіктігімен құттықтаймыз  

     №178 мамандандырылған лицейдің 9 "Ж" сынып оқушысы Қали Дария “Ұшқын” балалар мен жасөспірімдер республикалық байқауында “Аспаптық орындаушылық“ номинациясы бойынша 🥉 орын алып,дипломмен марапатталды.

     27 қазанда 7-8 сынып қыздарының арасында "Күз ханшайымы-2023" байқауы өтті. Сайысқа 16 қыз қатысып, өнерлерін көрсетті. "Талапты бала талпынған құстай, құмары қанбас биікке ұшпай" - демекші, қыздарымыз көрермендерге көтеріңкі көңіл-күй сыйлап, өнерлерімен тамсандырды.  Қазылар алқасының шешімімен 7-сынып оқушылары арасында Мауленова Айлин Бас жүлдені, Үкіметхан Айғаным I орынды, Дүйсен Жібек  II орынды, Русланқызы Айзере III орынды иеленсе, 8-сынып оқушылары арасында Бас жүлдені Бекен

     2023 жылғы 21 қазанда туристік және өлкетану қызметін жандандыру арқылы балалар мен жастардың патриоттық және азаматтық сезімін тәрбиелеу, салауатты өмір салтын насихаттау мен туристік дағдыларды қалыптастыру, мейірімді және мәдениетті тұлғаны тәрбиелеу мақсатында Алматы қаласы оқушыларының қатысуымен «Алтын күз - 2023» қалалық туристік жарысы өтті. Бірнеше кезеңді сайыста лицей командасы топ жарып, жеңімпаз атанды. Бұл жеңіс лицей абыройын жалау еткен оқушыларымыздың еңбегінің жемісі.

25 қазан - Республика күніне орай 20 қазанда №178 мамандандырылған лицейде «ЖасStar» өзін-өзі басқару ұйымы Спорт клубының ұйымдастыруымен 9-сынып оқушылары арасында қолкүрестен жарыс өткізілді. Білекті оқушылар қатарынан табылған Ешмұхамет Қанатбек 1-орынды, Қуанышбек Ильяс пен Сәбит Нұрым 2-орынды, Аманбай Нұрасыл, Жұмабек Қажыкелді мен Азимхан Елжас 3-орынды еншіледі. Ел тірегі болар азаматтарымыз көп болсын! Жеңістеріңізбен құттықтаймыз!

     25 қазан - Республика күніне орай №178 мамандандырылған лицейде "ЖасStar" өзін-өзі басқару ұйымының ұйымдастыруымен 9-10 оқушылары арасында "Менің арманымдағы Қазақстан" тақырыбында эссе байқауы өткізілді. Байқау барысында, оқушылар өздерінің болашақта көргісі келетін Қазақстан жайлы өз ойларын пайымдап, ақ қағаз бетіне түсірді. Нәтижесінде: 1-орынды 9"Ә" сынып оқушысы Жұманазар Айиша, 2-орынды 9"Ә" сынып оқушысы Доғдырбай Айару, 3-орынды 9"Ә" сынып оқушысы Алибекұлы Абзал жеңіп алды.