8-17 жасқа дейінгі жасөспірімдер арасында ШАХМАТТАН "KAISSA" Академиясында өткен қалалық мектеп оқушыларының жарысына  №178 мамандандырылған лицейдің 7 «В» сынып оқушысы Майлин Нурлыхан 2-разряд бойынша I орынға ие болды. Жеңісің құтты болсын! Толағай жетістіктерге жете бер, Нурлыхан!

   ⚜️«Атадан-Мұра»  қоғамдық қорының бүлдіршіндер, мектеп оқушылары мен жасөспірімдер арасында ұйымдастырылған Халықаралық «Алматы шақырады» байқауында "Көркем сөз" номинациясы бойынша үздік өнер көрсеткені үшін II дәрежелі (🥈) дипломмен №178 мамандандырылған лицейдің 8 "Ә" сынып оқушысы Аршабай Ақбота Жеңісқызы марапатталды.

    "Қозы көрпеш– Баян сұлу" ғашықтар мерекесіне орай өткен аудандық байқауға қатысып, "Тегін білген текті жұп" номинациясына ие болған үшін N178 мамандандырылған лицейдің 8 - сынып оқушылары Амитбек Айбын, Мұса Сәбина марапатталды.

    Алматы қаласы Алатау ауданында "Рухани жаңғыру" бағдарламасын жүзеге асыру аясында Ахмет Байтұрсынұлының 150 жылдығына орай педагогтер арасында "Ұлт ұстазы" аудандық конкурсы өтті. Конкурста өзінің заманауи идеялары мен озық тәжірибелерімен көзге түскен Абдумуталипова Перизат І орын иеленді. Дарынды ұстазымызды жеткен жетістігімен құттықтаймыз!

    Республикалық "Жас дарын" порталының ұйымдастыруымен Білім және ғылым саласында дарынды және талантты жастардың еңбектерін ерекше бағалау мақсатында "Жас дарын" төсбелгісімен N178 мамандандырылған лицейдің 11"Ғ" сынып оқушысы Нұртай Нұртас Бейбітұлы марапатталды. Жетекшісі: Кутумов Берик Набиевич  

   №178 мамандандырылған лицейде Алматы қаласы 7-8 сынып оқушылары арасында жаратылыстану-математикалық бағыты бойынша жасөспірімдер олимпиадасының қалалық кезеңі бойынша биология пәнінен 8-сынып оқушысы Абдималик Дидар 3-орынды жеңіп алды. Жетекшісі, биология пәні мұғалімі - Т.С. Жандыбаева. Жас дарын иесін олимпиада жүлдесімен шын жүректен құттықтаймыз!

Алатау ауданы Білім бөлімінің ұйымдастыруымен "Ұлттық мектеп лигасы" аясында 5-6 сынып окушылары арасында өткен "Үстел теннисі" жарысында ІІ орын алғаны үшін №178 мамандандырылған лицейдің 6-сынып оқушылары марапатталды.

Алатау ауданы Білім бөлімінің ұйымдастыруымен "Ұлттық мектеп лигасы" аясында 6-сынып окушылары арасында "Бес тас" спорт түрінен II орынға ие болған үшін №178 мамандандырылған лицейдің 6-сынып окушылары марапатталды.

9-11 сыныптарға арналған жалпы білім беретін пәндер бойынша республикалық пәндік олимпиаданың жаратылыстану-математика бағыты бойынша информатика пәнінен 10 сынып оқушылары Сағынбек Н., Сабырғали А., Нұрмұхамбет С. және 11 сынып оқушысы Даутбек А. 2-орынды жеңіп алды. Білімді ізденімпаздарымыздың жеңісі құтты болсын! Жас дарын иелерінің алар асулары биік болсын деп тілейміз!

Алматы қаласы Білім басқармасының "Алматы дарыны" дарынды балалар мен талантты жастарды анықтау және қолдау жөніндегі орталығының ұйымдастыруымен наурыз мерекесіне орай дебат қозғалысы үйлестірушілері мен жетекшілері арасында өткен "Сұңғыла сөз" қалалық пікірсайыс турнирінде "Үздік креатив" номинациясы бойынша №178 мамандандырылған лицейдің дебат қозғалысының координаторы Рапилова Эльмира (Алаш фракциясы) грамотамен марапатталды. Құттықтаймыз!