Speaking online - ағылшын тілінде ауызша сөйлеуді жетілдірудің тиімді тәсілдерінің бірі

Қашықтықтан оқыту - мұғалім мен оқушының тығыз байланысын арттыратын тәсілдердің бірі екендігіне көзіміз жетті. Алматы қаласы №178 лицей де осындай сарқылмас ағынның қайнарына айналуда. Лицейдегі әр кафедра өз жұмысының ерекше тұсын ұсынуда. Сондай жұмыстардың елеулісінің бірі ағылшын тілі мұғалімдерінің бастамасы болып отыр. Оқушының зейінін арттырудың ерекше жолы ретінде ағылшын тілін оқытудағы төрт дағдыны назардан тыс қалдырмаудың оңтайлы жолын таба білді. Осы мақсатта 5-9 сыныптар арасында speaking online ұйымдастырылуда. Тиімді мессенджерлер ретінде whatsApp, zoom, microsoft teams, google classroom тт. қолданбалары арқылы қашықтықтан сабақтан тыс онлайн-сұхбат өткізілуде. Кестесі жасалған, кең аудиторияны қамтитын бұл іс-шара ата-аналарымыздан қолдау тапты.