Психикалық белсенді заттарды қолданудың алдын алу

2020 жылдың 10 наурыз күні Алатау ауданы №178 лицейде   9-11 сыныптар арасында қалалық наркология орталығының бас дәрігері С.К.Кеңесбекова мен лицей директорының тәрбие ісі жөніндегі орынбасары Ж.З.Абуовамен бірлесіп, сынып оқушыларымен есірткіге байланысты проблемалар туралы ақпараттылық деңгейін арттыру,  психикалық белсенді зарттарды қолдануды болдырмайтын дағдылар мен СӨС қалыптастыру мақсатында профилактикалық дәріс оқыды. 
    Мақсаты: Жасөспірімдерге есірткі заттардың, сондай-ақ жүйкеге әсер ететін заттардың зияны мен зардабын түсіндіре отырып, оқушыларға спайстарды қолдануға байланысты туындайтын проблемалар туралы бейнефильм көрсетілді.
Балалар қызықтырған тақырыптары мен нашақорлыққа байланысты көптеген сұрақтар қойды. Қойылған сұрақтарға қалалық наркология орталығының бас дәрігері С.К.Кеңесбекова өте сауатты және қысқа жауап берді. 
Кездесу аяқталғаннан кейін есірткінің зияны туралы жаднамалар таратылды. Кездесу сындарлы, жағымды өтті, оқушыларға тәрбиелік мәні зор болды.