«Бизнес және кәсіпкерлік негіздері» бойынша шеберлік сағаты

    Алатау ауданына қарасты №178 лицейінде 10 «г» сыныбында «Бизнес және кәсіпкерлік негіздері» пәні бойынша лицей директоры, экономика ғылымдарының кандидаты Шадиев К.Х. «Нарықтық тепе-теңдік баға» тақырыбында шеберлік сағатын өткізді. 

     Шеберлік сағатында  сұраныс және ұсыныс теориясының негіздері  тақырыбында өзекті  мәселелер қозғалды.

Шеберлік сағатына Абай атындағы Қазақ ұлттық педагогикалық университеті мен Павлодар мемлекеттік педагогикалық университетінің магистранттары қатысты.

     Жаңартылған білім беру мазмұны бойынша өткізілген шеберлік сағаты өте қызықты, жаңа технологияларды қолдана отырып, оқытудың заманауи әдіс-тәсілдері негізінде өткізілді. 

     Болашақ жас мамандар лицейдің тыныс тіршілігіне риза болып, оқушылардың кәсіпкерлік іс-әрекетінің  белсенділігіне куә болды.  Шеберлік сағатының соңында бүгінгі сабақ өте жоғары деңгейде өтті деп, шынайы ризашылықтарын білдірді.