22
август
2020
«Мен жаңа оқу жылында қалай оқимын?» бірыңғай сынып сағаты
Жаңа 2020-2021 оқу жылында карантиндік шаралар жағдайында оқушыларды оқыту форматтарымен таныстыру мақсатында 2020 жылғы 21 тамызда «Мен жаңа оқу жылында қалай оқимын?» тақырыбында Алматы қаласы Алатау ауданы №178 лицейдің 5-11 сынып оқушылары үшін жалпыреспубликалық бірыңғай сынып сағаты қашықтан өткізілді.
Сынып сағаты барысында сынып жетекшілер өз сыныбына келесі сұрақтарды түсіндірді:
- Карантиндік шаралар кезіндегі оқыту форматтары;
- Қашықтан білім алу барысында пайдаланылатын интернет-платформаның мүмкіндіктерімен танысу;
- Мен және менің денсаулығым (гигиена негіздері, физикалық белсенділік);
- Жаңа оқу жылында білім алушыларды бағалау жүйесі;
- Интернетте жұмыс істеу ережелері, ақпараттық қауіпсіздік.
Оқушылар оқу сабақтарын өткізу нысандары туралы ақпарат алып, оқу жетістіктерін бағалаудың жаңа жүйесімен танысты, сондай-ақ оқу күнін ұйымдастыру және жұмыс орны бойынша ұсыныстарды қабылдады. Сынып сағатында білім алушылардың ерекше назары Интернетте жұмыс істеу ережелері мен Интернеттің қауіптілігі туралы кеңейтілген ақпаратқа аударылды.