20
август
2020
«Жаңа оқу жылында балаларды оқыту туралы» жалпыреспубликалық ата-аналар жиналысы
2020 жылғы 20 тамызда №178 лицейде «Жаңа оқу жылында балаларды оқыту туралы» жалпыреспубликалық ата-аналар жиналысы онлайн режимде өтті.
Ата-аналар жиналысының мақсаты:
Коронавирустық инфекцияның таралуына жол бермеуге байланысты карантиндік шаралар жағдайында жаңа 2020-2021 оқу жылындағы оқытудың ерекшеліктері туралы ата-аналарды (балалардың заңды өкілдерін) хабардар ету.
Күн тәртібіндегі маңызды мәселелер: 1) Жаңа оқу жылындағы оқу форматтары.
2) Қашықтан оқыту: баланың іс-әрекеті және жұмыс орны.
3) Қашықтан оқыту процесі жүргізілетін білім беру Интернет-платформасымен танысу.
4) Жаңа оқу жылында білім алушыларды бағалау жүйесі.
5) Баланың оқу режимі және демалысы.
6) Баланы өздігінен оқуға қалай ынталандыруға болады?
7) Интернетті қауіпсіз пайдалану үшін ата-аналарға балаларына үйрететін ережелер.
8) Интернеттегі балалардың жұмысын ата-ана бақылауы ережелерімен таныстыру.
9) Ата-ана мен баланың қарым-қатынас психологиясы.
Онлайн режимде өткізілген ата-аналар жиналысында ата-аналар қашықтық оқытуға байланысты өздерінің сұрақтарын қойып, лицейіміздің әкімшілік тарапынан тұшымды жауаптарды алды.
Алдағы оқу жылында ата-ана, мұғалім және оқушы арасындағы байланысты нығайту мақсатында тиісті жұмыстар жоспарланды.