Онлайн әдісімен ағылшын тілінде ауызша сөйлеуге үйретудің тиімді жолдары

       Қашықтықтан оқыту жағдайында №178 лицейде жүзеге асырылып жатқан «Speaking online» жобасы өз жалғасын табуда. Лицейдің ағылшын тілі пәнінің мұғалімі Алсаева Айжан Окетаевнаның 5-сынып оқушыларының қатысуымен өткен онлайн сабағы айтылған ойдың кепілі. Оқушылардың өз ойын нақты, айқын, нық жеткізуі, сонымен қатар, ойлау арқылы тұжырымдай алуы, өзінің сүйікті ісімен айналысуға мүмкіндігін аша түсуде.

    Сабақ барысында «Мен ұнататын түс», «Тағам түрлері», «Жануар мен спорт ойыны» тақырыптары меңзеліп оқушылардың функционалды сауаттылығын арттыруға, ой бөлісуі мен бірге талқылауы қарым-қатынасты жаңа сатыға көтеруде. Сондай-ақ өз бетімен əңгіме құрап, мəтінге байланысты дана сөздерді, мақал-мəтелдерді пайдалану арқылы сөйлеуге дағдыландыру сабақтың тиімді тәсілдеріне айналуда.