Қаламыздағы жоғары оқу орындарының бірі — "KIMEP" университетінің кәсіби бағдар беру бойынша маманы лицеймізге арнайы келіп, 10-11 сынып оқушыларына түсіндірме жұмыстарын жүргізіп, толықтай ақпарат беріп кетті. Сондай-ақ үздік сұрақтарға жауап берген оқушыларға университет атынан  сыйлықтарды табыс етті.

2024 жылдың 20 ақпан күні «Салауатты тамақтану мектебі» білім беру бағдарламасы аясында 7-сыныптар "Көкөністердің ағзамызға тигізетін пайдасы" тақырыбында шығарма жазды.  Мақсаты: көкөністердің пайдасы туралы ақпарат беру, сонымен қатар негізгі назар тамақтанудың әртүрлілігіне, тепе-теңдігіне және денсаулықты сақтау үшін көкөністерді, жемістерді, ақуыздарды, көмірсулар мен майларды дұрыс пайдаланудың маңыздылығына бағытталған.

      Құрманғазы Сағырбайұлының 200 жылдық мерейтойына орай 7-11 сынып оқушыларына сынып сағаттары өткізілді. Мақсаты: Құрманғазы Сағырбайұлының өмірі мен шығармашылығы жайлы білім беру; күй тыңдау барысында балалардың музыканы ести білу, есте сақтау қабілеттерін жетілдіру; Құрманғазы күйлерінің тәрбиелік мәні жайлы әңгімелей отырып, ұлтжандылыққа, отансүйгіштікке тәрбиелеу.