Лицейіміздің кәсіби бағдар беру бойынша маманы Тілеужан Әбілқайыр 8-сынып оқушыларына қазақ тілі пәнінен "Мамандық және оның түрлері" тақырыбында түсіндірме жұмыстарын жүргізді. Пән мұғалімі: қазақ тілі мен әдебиеті пәнінің мұғалімі, педагог-зерттеуші -  Оспанбекова Айжан.

6 "Б" сынып оқушылары ІІ тоқсанды қазақтың  ұлы ақыны - Абай Құнанбайұлының 180 жылдық мерейтойына орай "Абай әлемі" атты тақырыпта бастады. Алдағы уақытта ақынның қара сөздерін насихаттап және  өлеңдерін оқып,  Абай атындағы Қазақ Ұлттық Педагогикалық Университетінде саяхат-сабағы жобасы бойынша баруды жоспарлап отыр.

6 "Б" сынып оқушылары қазіргі таңда әлемдік нарықта сұранысқа ие "жасанды интеллект" жобасы жайында видеоролик түсірді.

Әл-Фараби атындағы Қазақ Ұлттық Университетінде кәсіби бағдар беру жұмысы бойынша "Ai-Guided Career: оқушыдан маманға дейінгі жол" тақырыбында семинар өтті.

Еңбек мобильді (жылжымалы) орталығы еңбек нарығын зерттеп, барлық сұранысқа ие мамандықтарды зерделеу және болжау бағытында қызмет атқарады. Нарыққа қажетті мамандықтар тізімін жасақтайды. 2025 жылдың 16 қазан күні "Еңбек" мобильді орталығының маманы Жакупова Еркеш Садыковна лицейдің 9-11 сынып оқушыларына мамандық таңдау бойынша түсіндірме жұмыстарын жүргізді. Оқушылар маманға өздерінің көкейінде жұрген сұрақтарын қойып, сол сұрақтарға жауап ала алды.

Лицейімізге ALT университетінің кәсіби бағдар беру бойынша мамандары арнайы келіп, 11-сынып оқушыларына түсіндірме жұмыстарын жүргізді.

2025 жылдың 2 қазанында Алматы қаласы Ішкі саясат басқармасының Қоғамдық даму орталығының бастамасымен «Жұмысшы мамандықтар жылы» аясында «Еңбек пен шеберлік» жобасы шеңберінде WORKSHOP «Мамандық таңдау — өмір талабы» атты тағылымды кездесу өтті. Кездесуге лицейдің 9-11-сынып оқушылары қатысты. Олар жұмысшы мамандықтарының қоғамдағы маңызы мен сұранысы жайлы тың әрі нақты мәліметтер алып, еңбек нарығындағы өз орнын табу жолдарын түсінді.

"Alatau Creative Hub" орталығы мен №178 мамандандырылған лицейдің ұйымдастыруымен Жұмысшылар жылына орай "Мамандықтар жәрмеңкесі" көрмесі ұйымдастырылды.

Мыңжылдық тарихы бар Алматы қаласының туған күніне орай "Alatau Creative Hub" орталығында "Алматы - әсем қала"  атты әдеби кеш өтті. Аталған  шараға лицейіміздің оқушылары да қатысып, өз өнерлерін көрсетіп, үлестерін қосты.

Лицейіміздің 10-сынып оқушылары кәсіби бағдар беру бойынша "Дұрыс таңдау жаса!" тақырыбында сауалнама толтырды. Сауалнама негізінде оқушылардың университеттерге Кампус Тур жасалуы мен мамандық таңдауы бойынша тест жұмыстары алынды.