Мамандандырылған лицейдің 5-сынып оқушылары "Ел жастары" өзін-өзі басқару ұйымына мүше болды. Лицей тәлімгері Әбілқайыр Тілеужан ұйымға жаңадан қабылданған оқушыларға алдағы уақытта лицейімізде атқарылатын жұмыс жоспарларын таныстырып, 5-сынып оқушыларын жоғары сыныптың оқушыларымен бірігіп жұмыс істеуге шақырды. Ал 6-8 сыныптың оқушылары лицейде атқарған қоғамдық жұмыстарын ортаға салып, өзара пікір алмасты.

Оқытудың әдіс-тәсілдерін еркін игеріп, оларды үйлесімді әрі шығармашылықпен қолдану - сабақтың сәтті өтуінің кепілі. №178 мамандандырылған лицейдің математика кафедрасының мұғалімдері тоқсандық жиынтық бағалау тапсырмаларын әзірлеу, сараптау бойынша тәжірибе алмасты. Кафедра отырысы барысында математика пәні мұғалімі, педагог-шебер Бектасова Алмагул Ибраимовна 5-11 сыныптың тақырыптық электронды жүйелілігімен тәжірибе бөлісті.  

     №178 мамандандырылған лицейде ұстаздардың төл мерекесі күніне орай 5-11 сыныптар арасында "Ұстаз - ұлық емес, ұлы қызмет" тақырыбында лицейдің ұлағатты ардагер ұстаздарымыздың қатысуымен ашық сынып сағаттары өткізілді. Мақсаты: оқушыларды ұстаздарды құрметтеу мен сыйлауға тәрбиелеу.

Жалпы білім беретін пәндер бойынша республикалық ғылыми жобалар конкурстарын ұйымдастыру және өткізу іс-шарасы негізінде - ЭКОНОМИКА секциясы бойынша, 11 сынып оқушысы Аблайхан Нурдаулет жоба мазмұнын талдауға жан-жақты дайындық үстінде. "Карантин кезіндегі бизнестің әлеуметтік жауапкершілігі: проблемалар мен жаңа мүмкіндіктер" тақырыбын ашуда ғылыми жетешілік етіп отырған педагогика ғылымдарының магистрі, педагог-модератор А.А.Абдраимов жас зерттеушіге бағыт бағдар беруде.

№178 мамандандырылған лицейдің жас мамандарына білікті ұстаздармен қатар тәжірибелі және мақсатты көмек көрсетуде Алматы қаласындағы "Педагогикалық шеберлік орталығының" жүйелі өткізіп отырған оқу семинарының орны ерекше. Осы орайда «Жас педагог» клуб кеңесінің төрағасы, аға менеджері, филология ғылымдарының кандидаты, доцент. А.К. Алимов өткізген «Мен сіздермен біргемін», «Жағымсыз эмоциялар бояуы», «Мозайка» деген бірнеше тренингтер өз нәтижесін беруде.

№178 мамандандырылған лицейде ҚР тәуелсіздігінің 30 жылдығы мен желтоқсан көтерілісінің 35 жылдығына арналған волейболдан қалалық турнир өтті. Жарысты ұйымдастыруда патриоттық қозғалыс «Желтоқсан ақиқаты» республикалық қоғамдық бірлестігінің төрағасы Б.Т. Құрымбаев, Алатау ауданы әкімдігі және ПҚ «Желтоқсан Ақиқаты» РҚБ Алатау аудандық филиалының төрағасы Н. Суюнов, жарыстың бас төрешісі Х.О. Баядилов белсенділік танытты. Жарыстың салтанатты ашылу рәсімінде, жарысты ұйымдастырушылар мен лицей

    №178 мамандандырылған лицейде ағылшын тілі мұғалімдері Айтмағанбетова С., Жанат Ж. және Нусупалиева Д. 6-сынып оқушыларымен Тіл мерекесіне арналған сайысты офлайн форматта өткізді. Іс-шара барысында оқушылар жүйрік ойлау қабілеттері мен шапшаңдықпен жауап берулерін көрсетті. Сыныптан тыс іс-шара қызықты әрі тартымды өтті.

      2021 жылғы 24 қыркүйек күні Алматы қаласына қарасты мектеп директорлары ҚР Білім және ғылым министрі Аймағамбетов Асхат Қанатұлымен кездесті. Білім және ғылым министрімен өткен кездесуге мамандандырылған лицейдің директоры Қайратбек Хамзаханұлы да қатысып, білім жүйесіндегі өзінің көкейтесті сұрақтарын қойып, білім саласына қатысты ұсыныстарын білдірді.

     Лицей тәлімгері Әбілқайыр Тілеужан "Жас Ұлан" ұйымы кабинетінде лицейімізге жаңадан келген 5-сынып оқушыларына республикалық "Жас Ұлан" балалар мен жасөспірімдер ұйымының ережесімен таныстырды. Оқушыларды оқуда озат болып, лицей тәртібін сақтап, қоғамдық іс-шараларға белсенді түрде қатысуға шақырды. Алдағы уақытта 5-сынып оқушылары әр бағытта лицей намысын абыроймен қорғап, өздерінің сүбелі үлестерін қосады деп сенім білдіреміз.

      "Gol Gol" футбол алаңында және сол орталықтың қолдауымен, лицей тәлімгері Тілеужан Әбілқайыр мен лицейдің вице-президенті Серікұлы Әлиханның ұйымдастыруымен 10-11 сынып оқушылары арасында шағын футболдан ашық турнир өткізілді. Сыныптардан жасақталған командалар 4 топқа бөлініп, өзара үздік команданы анықтады. Лицейіміздің дене шынықтыру пәні мұғалімі Естай Әнәпьяев футбол турнирінің төрешісі болды.