Бүгін 10 "Б" сыныбының оқушылары Құрман Ғазиза мен Асылхан Аяжан Almaty Cup III қалалық пікірсайыс турнирінің Ағылшын лигасы бойынша II орын иеленді! Сонымен қатар, Құрман Ғазиза "Ең үздік аргумент" номинациясымен марапатталып, бағалы сыйлықтарға ие болды! Бұл жеңіс – олардың білімге деген құштарлығы мен табандылығының жарқын нәтижесі! ⠀

«Адал азамат — біртұтас тәрбие» қағидасын ұстанған біз үшін ұлттық болмысымызды ұлықтау — басты міндетіміз.  Әр жұма күні — Ұлттық киім күні ретінде белгіленіп отыр. Бұл — тек киім кию емес, бұл — дәстүрімізге тағылым, ұрпаққа өнеге. Қазақы шапан, кестелі камзол, оюлы белбеу мен сәукеле — ғасырлар сүзгісінен өткен саф мәдениеттің айғағы. Осындай құндылықтарды бүгінгі күнмен үндестіре отырып, біз адалдықты, ұлтжандылықты, инабаттылықты бойына сіңірген тұлғаны — Адал Азаматты қалыптастырамыз.  

5–9-сынып оқушылары күздің молшылығы мен еңбектің қадірін ұлықтаған "Күзгі асар – 2025" жәрмеңкесіне белсенді қатысты. Әр сынып өз қолымен жасаған күзгі туындыларын, қолөнер бұйымдарын және шығармашылық көрмелерін ұсынды. Еңбегімен ерекшеленген сыныптар мен оқушылар марапатталды, креатив пен шабытқа толы көрме тамашаланды, жылы көңіл мен достық атмосфера орнады! Іс-шарадан әсерлі сәттер әлі де жүректе сақтаулы!Осындай шабытты шаралар көп болғай!

 №178 мамандандырылған лицейдің тамақтану сапасына мониторинг жүргізу комиссиясы тексеріс жүргізді. Лицейде оқушыларға берілетін тегін ыстық тамақпен қамтамасыз етілетін оқушылардың тамақтары талапқа сай берілетіндігіне, санитарлық талаптарға сай келетініне көз жеткізді. Асхана қызметкерлері барлық санитарлық талаптарды орындап, оқушылар үшін тиімді жұмыстарды атқаруда. Тексеру барысында ешқандай кемшіліктер болмады.

Лицейіміздің 5 "Ә" сынып оқушылары арасында «Денсаулық – дұрыс тамақтанудан басталады» тақырыбында тәрбие сағаты өткізілді. Іс-шара барысында оқушыларға дұрыс тамақтанудың адам денсаулығы үшін маңызы, салауатты өмір салтын ұстанудың негізгі қағидалары туралы кең көлемде ақпарат берілді. Тәрбие сағатының мақсаты – жас ұрпақтың бойында дұрыс тамақтану мәдениетін қалыптастыру, зиянды әдеттерден аулақ болуға тәрбиелеу және салауатты өмір салтының мәнін ұғындыру болды. Балалар көкөніс пен

Лицейімізге ALT университетінің кәсіби бағдар беру бойынша мамандары арнайы келіп, 11-сынып оқушыларына түсіндірме жұмыстарын жүргізді.