2024 жылдың 3-5 мамыр аралығында №208 мектеп-гимназияның және Almaty PhysTech school мектептерінің базасында 7-8 сынып оқушыларына арналған жалпы білім беретін пәндер бойынша республикалық олимпиаданың қалалық кезеңі өтті. Олимпиадада 12 пән бойынша 396 оқушы бақтарын сынады.      Олимпиада қорытындысы бойынша лицейімізден 20 оқушы қатысып, 9 оқушымыз   жүлдегер атанды. Білім сайысында мектебі мен ұстаздарының артқан сенімін ақтай білген оқушыларды шын жүректен құттықтаймыз!

     Лицейіміздің 10-11 сынып оқушылары Абай атындағы Қазақ Ұлттық Педагогикалық Университеті ұйымдастырған кәсіби бағдар беру бойынша "Ашық есік" күніне қатысып келді. Университет тынысы, институттар және мамандық бойынша маңызды ақпараттар толықтай айтылды. 

     №178 мамандырылған лицей директорының тәрбие ісі жөніндегі орынбасары Кутумов Берік Нәбиұлы Алатау аудандық ІІБ жанындағы полиция бөлімінің бастығы А.М.Даулетияровтың құрмет грамотасымен марапатталды. 

     Алатау ауданы Білім бөлімінің ұйымдастыруымен "Өз жұлдызыңды жақ" аудандық жас педагогтер байқауында жүлделі 1-орын иеленгені үшін информатика пәнінің мұғалімі Бақытова Айша Маратқызы марапатталды. 

     Лицейіміздің 9-сынып оқушылары Еуразия экономикалық колледжі ұйымдастырған кәсіби бағдар беру бойынша "Ашық есік" күніне қатысып келді. Колледж базасы мен лаборатория жұмыстарымен оқушыларымыз танысып қайтты. 

     7-мамыр – Отан қорғаушылар күні қарсаңында №178 мамандандырылған лицейде 7-сынып жетекшілерінің ұйымдастыруымен "Ел ертеңі – бүгінгі жас ұландар" атты іс-шара өтті. Мақсаты: Оқушыларға Отанды сүюге, ерлік көрсеткен батырлардың бойындағы ержүректілік, Отансүйгіштік, ұлтжандылық қасиеттерін дәріптеу. Отанын, елін қорғай білуге тәрбиелеу. 

     №178 мамандырылған лицей директорының тәрбие ісі жөніндегі орынбасары Кутумов Берік Нәбиұлының "Табиғатты аялайық" атты мақаласы zanmedia.kz газетінде жарық көрді. https://zanmedia.kz/%e2%84%96178.../120796/