Лицейдің даму жоспарына сәйкес 10-сынып оқушылары Қаныш Сәтбаев атындағы Қазақ Ұлттық Техникалық Зерттеу Университетінде ғылыми-ақпараттық саяхат-сабағына қатысты. Болашақта аталған жоғары оқу орнына түсуді жоспарлап отырған лицей оқушылары өздеріне керек ақпараттарды алып, университеттің ішкі базалық құрылымдарымен танысты. Саяхат-сабағының өтуіне қолдау көрсеткені үшін университет әкімшілігіне өз алғысымызды білдіреміз.

     23.11.2023 күні қазақ тілі мен әдебиеті пәнінің мұғалімі Ауелбекова Айман Айтжанқызы Махамбет Өтемісұлының “Мен, мен едім, мен едім” өлеңін талдау тақырыбында ашық сабақ өткізді. Сабақ барысында оқушылар өлеңге сатылай кешенді талдау жасай отырып, өлеңнің идесын ашып, кейіпкер бейнесін талдады. Ақын стиліне сүйене отырып, шығармашылық жұмыс жазды. Махамбеттің рухты жырынан нәр алған оқушылар, бір-бір шумақ өлең құрастырып, автор орындығына отырып, риза болып тарасты. Оқушыларды

     Бүгін қазақ тілі мен әдебиеті пәнінің онкүндігі аясында 7-8 сыныптар арасында “Қыранымын қазақтың” тақырыбында зияткерлік сайыс өткізілді. Сайыс барысында оқушылар қазақ халқының мақал-мәтелдері мен салт-дәстүрлері, ұлы тұлғаларымыздың өмірі мен еңбектері жайлы сұрақтарға аса қызығушылықпен жауап беріп, белсенді қатыса білді. Ұйымдастырушы мұғалімдер: Оразалиева Т., Аметова С., Толендиева С.

     Қазақ тілі мен әдебиеті кафедрасының онкүндігі барысында қазақ тілі мен әдебиеті пәнінің мұғалімі Сатбаева Р.С. 8 “Ғ” сыныбымен қазақ тілі пәнінен “Болашақ мамандықтар” деген тақырыпта ашық сабақ өтті. Сабақта әртүрлі әдіс-тәсілдерді үйлестіре қолданып, сабақтың тақырыбын, тілдік бағдарды аша білді. Оқушылар сабаққа белсене қатысты.

     №178 мамандандырылған лицей  оқушылары 2023 жылдың 22 қараша күні Алматы қаласы «Атакент» көрме орталығында өткен «Білім және мансап-2023» Халықаралық білім көрмесіне барып қайтты.

     Қазақ тілі мен әдебиеті кафедрасының онкүндігі аясында 10-сынып оқушыларымен ұйымдастырылған "Абайдан тағлым - Абайға тағзым"  атты  сыныптан тыс іс-шарада оқушылар Абай Құнанбайұлы туралы оқыған шығармаларын иллюстрациялық суреттер арқылы бейнелеп, түйген ойымен, әсерлі сезімдерімен бөлісіп, арнау өлеңдерін оқып, Дана да, дара тұлға Абай шығармаларынан мол тағлым ала отырып, өмірлік ұстаным ретінде қалыптастырғанын байқадық. Ұйымдастырған  Етекбаева  Жанар  ұстазына оқушылардың алғысы

     №178 мамандандырылған лицейде қазақ тілі мен әдебиеті пәнінің онкүндігі өтуде. 7"Ә" сыныбында қазақ тілінен "Достық - өмірлік нұсқа" тақырыбында ашық сабақ өтілді. Пән мұғалімі Ертуганова Б.Т. сабақта түрлі әдістер мен жаңа технология бағыттарын тиімді қолдана білді. Оқушылар түгелдей сабаққа атсалысып,тапсырмаларды қызыға орындады. Сабаққа әріптестер  жақсы пікірлер білдіріп, мұғалім мақсатқа жеткендігі айтылды.