29
январь
2020
«Қазақстан – алтын бесігім»
№178 лицейде қаңтардың 29-сі күні көркем еңбек пәні мұғалімдерінің ұйымдастыруымен Елбасының «Рухани жаңғыру» бағдарламасы аясында лицейдегі қолөнер үйірмесіне қатысатын оқушылар арасында «Қазақстан – алтын бесігім» атты тақырыпта балалардың қиялынан туындап, өз қолдарымен жасалған бұйымдардың шығармашылық көрмесі ұйымдастырылды.
Шараның басты мақсаты – лицей қолөнершілерінің басын қосып, туындыларын көпшілікке таныстыру. Осы арқылы тарихи салт-дәстүрімізді насихаттау. Өсіп келе жатқан ұрпақ бойында елге, жерге деген сүйіспеншілікті, құрмет сезімін ояту.
Көрмеге төмендегідей бұйымдардың түрлері қойылды:
- Сумоншақпен кестеленіп, желімделген бұйымдар;
- Қолданбалы-қолөнер бұйымдары;
- Әшекей-зергерлік бұйымдар;
- Киізден жасалған жұмыстар.
Көрмеге қатысушылардың бәріне көрме барысында алған таңғажайып эстетикалық әсер мен табиғи материалдарды керемет өнер шығармасына айналдырған шеберліктері шыңдала берсін.
