«Қыз тәрбиесі – ұлт тәрбиесі»
2019 жыл 17 қыркүйек №178 лицейде 7-8 сынып оқушыларының қыздарының қатысуымен лицей директорының тәрбие ісі жөніндегі орынбасарлары Абуова Жазира мен Жәкі Жанат және психолог маман Ағажанова Жанна «Қыз тәрбиесі – ұлт тәрбиесі» атты тақырыпта қыздар жиналысы өткізді. Қыздар жиналысына лицейдің «Қыз жібек» қыздар клубы мүшелері мен инспекторлары, өзін-өзі басқару ұйымының мүшелері қатысты.
Қыздар жиналысының негізгі мақсаты лицей ішіндегі тәртіпті сақтау, бекітілген ережелерге бағыну, сабақ үлгерімін жақсарту т.б. маңызды мәселелер қозғалды. Қыздар тәрбиесі лицейіміздің негізгі маңызды бір бөлігі болып саналады. Себебі алдағы уақытта қыздар ұлт болашағының қайнар көзі, ұлт тәрбиесінің басты айнасы болады деді,-Жазира Зияшқызы.
Ал, психологиялық тұрғыда өздерін жайсыз сезінетін қыздарға әрқашан көмек көрсетуге дайынмын. Психолог маман әрдайым көмек қолын созуға дайынмын деп, қорытындылады Жанна Ағажанова.
