«Үздіктер шеруі-2019»

                 Бүгінгі жас - ертеңгі елдің мызғымас тірегі, келешек келбеті. Сол себепті олардың білімді, бәсекеге қабілетті, жан- жақты болуы ел дамуындағы аса маңызды фактор болып табылатыны анық. Дарынды оқушыларды қолдау мақсатында лицейімізде жүйелі де, маңызды жұмыстар атқарылады. Соның бірі - жыл сайын дәстүрлі түрде өтетін «Үздіктер шеруі» мерекесі. Мереке мақсаты - мектеп абыройын аудан, облыс, республика қала берді халықаралық деңгейде асқақтасып жүрген білімді де, дарынды, өнерлі де, талантты шәкірттерімізді мақтан ете отырып марапаттау. Жылдағы дәстүр бойынша  №178 лицейде 23.05.2019ж. «Үздіктер шеруі - 2019» болып өтті. Оған Қазақстан жылдан -  жылға ақылмен гүлденеді деп түсінетін, сапалы білім алудың маңыздылығын ұғынатын, білімге ұмтылатын оқушылар қатысты. Президент жыл сайынғы Қазақстан халқына жолдауында «Білімді жастар – Қазақстанның болашағы» жастарына екпін берді. Биылғы оқу жылында үздіктердің саны 623. Балалар үздік оқығаны үшін мадақтамалармен және «ҮЗДІК ОҚУШЫ 2019» лентасымен марапатталды. Үздіктерді құттықтауға әке, шешесі және ата, әжелері келді. Ата-аналар тарапынан  көптеген жағымды сөздер айтылды. Келесі оқу жылында үздіктер саны артады деген үміттеміз.