№178 лицей оқушыларының "Жас Ұлан" ұйымына қабылдануы

№178 лицейде 13 желтоқсан күні «Жас Ұлан» ұйымына қабылдау салтанатты кеші өтті. Қабылданатын оқушылар «Жас Ұлан» ұйымының қатарына өтудің жауапкершілігі мол екенін сезіне білді. Оның қатарына қабылданған оқушы мектептің қоғамдық жұмысына белсене араласып және сабақтарын үздікке оқып, өз елінің мақтанышы болатын азамат болуына міндеттейтінін сезінді. Өйткені, «Жас Ұлан» ұйымына қабылдау рәсімі Қазақстан Республикасының 16 желтоқсандағы Тәуелсіздік күні мереке қарсаңында өтті. «Жас Ұлан» ұйымына лицейіміздің ең 5 сынып оқушылары қабылданды. Ұйымға қабылданушы оқушылар өз Отанының патриоты болуға, «Жас Ұлан» ережесін бұлжытпай сақтай отырып, өзінің достарынан соны талап ете отырып, Отанды сүюге салтанатты түрде ант берді.
Жас қабылданушыларға көгілдір галстуктарын тағып, кеуделеріне төс белгілері тағылды.