«Жас Ұлан, Жас Қыран» ББЖҰ қатарына салтанатты қабылдау рәсімі өтті.

2023 жылдың 2 маусымында Алматы қаласы Білім басқармасының «Оқушылар Сарайы» МКҚМ-нда  «Жас Ұлан, Жас қыран» Бірыңғай балалар мен жасөспірімдер ұйымы мүшелерін салтанатты қабылдау  жиыны өтті. Жиында «Жас Ұлан» ұйымы қатарына жаңадан қабылданған оқушылар Отансүйгіш азамат болуға, ел мен жерді, ата-ананы қадірлеуге, оқуда озат, еңбекте адал болуға, табиғатты аялауға ант беру рәсімін жасады. Сондай-ақ, ұйым мүшелеріне көк галстук пен «Жас Ұлан» төсбелгісі тағылды. Лицейімізден 6 «Ә» сынып оқушысы Толқынұлы Ерасыл қатысып, «Жас Ұлан» ұйымына мүшелікке қабылданды. Тәуелсіз елдің көк туын биікте желбіретіп, абыройын асқақтататын азамат болуға тілектеспіз!!!