Лицейішілік «Жалындаған жас маман» атты жас мамандар сайысы өтті.

Жас ұстаздардың біліктілігін, өз кәсібінің жан -жақты шебері екендігін дәлелдеу, сонымен қатар оларды іскерлікке, өз кәсібіне үлкен жауапкершілікпен қарауға бар күш жігерін жұмсауға баулу мақсатында лицейішілік «Жалындаған жас маман» атты жас мамандар сайысы өтті. Үш кезеңнен тұратын сайыстың таныстыру бөлімінде жас маман өзі туралы және өзінің қызмет атқаратын ұжымын қызықты етіп таныстырса, «Мамандығым – мақтанышым» кәсіби бөлімінде жетістіктерін презентация арқылы көрсете білді. «Өнерлінің өрісі кең» бөлімінде шығармашылық қабілетін, өнерге бейімділігін ортаға салды.
Нәтижесінде Советбек Анар Бөженқызы 🥇 дәрежелі, Тәліп Марал Нұржанқызы 🥈 дәрежелі, Нұғыман Меруерт Айдарқызы, Тілеубек Ақерке Айдарбекқызы 🥉 дәрежелі диплом иегерлері аталды. Жеңістеріңіз құтты болсын!

 

Осы беттің QR-коды:
QR-код этой страницы: