Лицейде дебат қозғалысының өзекті мәселелері бойынша семинар-тренинг өткізілді.

   Наурыз айының 1- күні Алматы қаласы №178 мамандандырылған лицейде дебатқа оқушыларды жаппай тарту, олардың ынтасын арттыру, сыни ойлау дағдыларын дамыту мақсатында дебат қозғалысының өзекті мәселелері бойынша ағылшын тілі мұғалімі Ауелбекова Айнұрдың ұйымдастыруымен семинар-тренинг өткізілді.

Тренингті Алматы пікірсайыс қоғамдастығының қалалық координаторы «The Argument» онлайн дебат мектебінің негізін қалаушысы Джанабаева Дарига жүргізді. Семинар-тренинг барысында шешендік өнердің дамуы мен қағидалары, пікірсайыс тарихы, әлемдегі танымал пікірталастар тақырыптарына басты назар аударылды. Сонымен қатар, пікірсайыс ережелері – тақырып анализі, кейс, ойынға қатысушылардың қызметтері туралы айтылды.

Тренингке 40-тан астам 9-10 сынып оқушылары қатысты, олар өз тілектері мен оң пікірлерін жаудырып, жағымды эмоцияларымен және жарқын әсерлерімен бөлісті.