24
ноябрь
2021
«Заманауи мектептегі математика пәнінің мұғалімдерінің жұмыс орнын ұйымдастыру және оқушы жетістіктерін дамыту ортасын қалыптастыру» атты семинар өтті
№178 мамандандырылған лицейде «Заманауи мектептегі математика пәнінің мұғалімдерінің жұмыс орнын ұйымдастыру және оқушы жетістіктерін дамыту ортасын қалыптастыру» тақырыбында қалалық семинар болып өтті. Семинарға ҚББЖТҒӘО әдіскері Кадирова Салтанат Умирзаковна қатысып, «Оқушылардың жазба жұмыстарының элементтерін талдау» бойынша білім алушылардың білімдегі олқылықтардың орнын толтыру жұмысының алгоритмі ұсынылды. Семинар барысында математика пәнінің мұғалімдері Б.Т.Китапбаева, А.И.Бектасова, Т.Б.Сағиолданов, А.Д.Ахмеджанова, Л.Е.Амалбекова оқытуда кәсіби құзіреттілік пен тұлғалық дарындылықты ұштастырудағы өз тәжірибелерімен бөлісті. 11 сынып оқушысы Құрманбек Бексұлтан «Олимпиада есептерінің тиімді шығарылу жолдары» атты таныстырылымын ұсынды. Көпшіліктің көңілінен шыққан іс-шара өз дәрежесінде өткізіліп, "өте жақсы" деп бағаланды.
