19
апрель
2021
Лицейішілік байқаудың қорытындысы республикалық «Білімді ел» газетіне шықты
Лицейімізде білікті де білімді мұғалімдерді қолдау мақсатында «Үздік педагог», «Жыл мұғалімі» байқаулары ұйымдастырылды. Байқауға он бес пән мұғалімі қатысуға ниет білдіріп, төрт кезеңнен тұратын сайыста бақ сынасты. Сайыс барысында мұғалімдер шығармашылық жағынан жан-жақты сынға түсіп, тың идеяларымен бөлісті. Ерекше көзге түскен үздіктердің есімі анықталды. «Үздік педагог» байқауының жеңімпазы физика пәнінің мұғалімі Слямгалиева Гульнар Набиевна Бас жүлдені, «Жыл мұғалімі – 2021» байқауының жеңімпазы информатика пәнінің мұғалімі Бейсенбекова Лайлим бірінші орын иеленіп аудандық байқауға жолдама алды. Байқаудың қорытындысы республикалық «Білімді ел» газетінің 2021 жылғы 13 сәуірдегі номерінің №14 санында жарық көрді.
