"Тіл - өлшеусіз қазына, өрісі кең әлем" атты қазақ тілі мен әдебиеті пәндері онкүндігінің жабылу салтанаты

2020-2021 оқу жылының 3-13 ақпан аралығында өткен "Тіл - өлшеусіз қазына, өрісі кең әлем" атты қазақ тілі мен әдебиеті пәндері апталығының жабылу салтанаты 13 ақпан күні өтті. Қазақ тілі мен әдебиеті кафедрасының  онкүндігіне орай лицейімізде қазақ педагогикасының негізін қалаушы, білім ісінің ұйымдастырушысы, фольклорист, ақын-жазушы, қазақтың  аса көрнекті қоғам қайраткері Ыбырай Алтынсариннің туғанына 180 жыл толуына орай, оқырмандар сайысы, онлайн форматта өлеңдерін мәнерлеп оқу байқауы өтті. 5 сынып оқушылары арасында "Кейіпкерлері әлемі" тақырыбында қазақ әдебиеті пәні бойынша Ы.Алтынсарин әңгімелерінен сурет байқауы, "Ыбырай әлеміне саяхат" атты интеллектуалдық сайыс өткізілді. Сайыста оқушылар қазақтың ұлттық салт-дәстүрлерін көрсетіп, өз көрермендерін өнерлерімен тәнті етті.