Қазақ тілі мен әдебиеті пәнінің онкүндігі аясында өткен ашық сабақ

«Тіл – елдің тірегі» атты қазақ тілі мен әдебиеті кафедрасының онкүндігі аясында Етекбаева Жанар 7 «В» сыныбына Қасым Қайсеновтың «Жау тылындағы бала» повесті бойынша ашық сабағын өткізді. Сабақ онлайн форматта өтті. Сабақ мақсатына жету нәтижесінде оқушылардың белсенділігі, пәнге деген қызығушылығы байқалды. Шығарма кейіпкері Ұлы Отан соғысының ардагері, халық қаһарманы туралы тың деректермен бөлісіп, өз ойларын нақты мысалмен  дәлелдер келтіре отырып, тарихтан сыр шертті. Балалардың ойлары жүйрік, қиялдары ұшқыр.  Әрбір ойын бүгінгі күнмен байланыстырып, құндылығына баға беріп, өз көзқарастарын білдіріп отырды.