"Бәсекелестік білім беруде мұғалімдердің кәсіби біліктілігі мен шығармашылық деңгейін көтеру арқылы оқу-тәрбие үрдісінің сапасын арттыру жолдары" тақырыбында әдістемелік кеңес өтті

Үздіксіз білім беру жүйесінде жүргізілетін әдістемелік жұмыстар - мұғалім құзіреттілігін арттырудың  ерекше бөлігі. Алатау ауданы №178 лицейде 2020 жылдың 04 қаңтар күні әдістемелік кеңес өткізілді. Әдістемелік кеңес "Бәсекелестік білім беруде мұғалімдердің кәсіби біліктілігі мен шығармашылық деңгейін көтеру арқылы оқу-тәрбие үрдісінің сапасын арттыру жолдары" тақырыбына арналды.  Әдістемелік кеңесте кафедра жетекшілерінің тарапынан І жартыжылдық жетістіктерін виртуалды көрме түрінде көрсетті. Сонымен қатар, физика-информатика,  қоғамдық-гуманитарлық пәндер кафедраларының онкүндігінің есебі тыңдалып, "қанағаттанарлық" деген баға алды. І жартыжылдық бойынша дарынды балалармен  жұмыс қорытындысы  шығарылып, жекелеген пән мұғалімдерінің жетістік рейтингі ұсынылды.