Еуразия техника-экономикалық колледжінің мамандары лицейіміздің 9-сынып оқушыларына мамандық таңдау бойынша түсіндірме жұмыстарын жүргізді. 

2026 жылғы 30 наурыз күні 11-сынып білім алушылары үшін Қазақстан тарихы пәні бойынша мерзімінен бұрын қорытынды аттестаттау өткізілді. Емтихан белгіленген талаптарға сай ұйымдастырылып, білім алушылардың оқу бағдарламасын меңгеру деңгейі, тарихи деректерді талдау және қорытынды жасау дағдылары жан-жақты бағаланды. Аттестаттау үдерісі әділ әрі ашық түрде өтіп, білім алушылар өз білімдерін жақсы деңгейде көрсете білді.

2026 жылдың 25 наурызы күні №178 мамандандырылған лицейдің 9-сынып оқушылары «Атакент» көрме орталығында ҚР Ғылым және жоғары білім министрлігі мен Алматы қаласы әкімдігінің қолдауымен өтіп жатқан дәстүрлі «Білім және мансап» тақырыбында өткен мамандықтар көрмесіне қатысты. Көрмеде оқушылар мамандыққа байланысты маңызды ақпараттармен танысып қайтты.

Құрметті ұстаздар, оқушылар және ата-аналар! Қазақстан Республикасы Оқу-ағарту министрінің 2025 жылғы 5 тамыздағы №174 бұйрығына сәйкес, 2025–2026 оқу жылының IV тоқсаны 30 наурызда басталатынын назарларыңызға саламыз. Лицей әкімшілігі

2026 жылғы Наурыз айында өткен Ұлттық бірыңғай тестілеу (ҰБТ) нәтижесінде Бектұрған Ерасыл – 129 балл, Калибаева Сабина – 127 балл, Бейсенов Ақниет – 121 балл, Нұрзатқызы Шуақ – 120 балл, Серікхан Мөлдір – 120 балл жинады. Бұл көрсеткіштер оқушыларымыздың тыңғылықты дайындығы мен қажырлы еңбегінің жемісті нәтижесін айқын көрсетеді. Барлық білім алушыларды шын жүректен құттықтай отырып, алдағы мамыр айында өтетін ҰБТ-да сәттілік пен бұдан да жоғары нәтижелерге жетулеріне тілектестік білдіреміз!

2026 жылдың 21–25 наурыз аралығында Астана қаласында өткен жаратылыстану-математикалық бағыттағы биология және физика пәндері бойынша республикалық олимпиадада Алматы қаласының намысын қорғаған лицейіміздің 9-сынып оқушысы Құсайынғазы Абзал жоғары нәтиже көрсетті! Физика пәні бойынша III орын — қола медаль иегері! Абзалдың бұл жетістігі — табандылықтың, білімге деген құштарлықтың және ұстаздар еңбегінің жемісі. Осындай биік белестерді бағындырып, еліміздің абыройын асқақтата беруіне тілектеспіз!