Құрметті оқушылар, ұстаздар, және ата-аналар! Жалпы білім беретін пәндер бойынша республикалық олимпиаданың қалалық кезеңінің жеңімпаз және жүлдегер атанған шәкірттерімізді шын жүректен құттықтаймыз! Жеңіс тұғырынан түспей, білім жолында жарық жұлдыз бола беріңіздер!  

Төтенше жағдайларға дайын болу – адам өмірі мен денсаулығын сақтаудың кепілі. Бүгін, сағат 10:00-де Алматы қаласы бойынша өткен жалпықалалық сейсмикалық жаттығуға №178 мамандандырылған лицейдің қызметкерлері мен оқушылары белсенді түрде қатысты. Сейсмикалық жаттығу барысында барлық қатысушылар «Назар аударыңыз!» сигналын естігеннен бастап, лицейде барлық қауіпсіздік шараларын қатаң сақтай отырып, толығымен қауіпсіз орынға эвакуацияланды.

"Заң және тәртіп" идеологиясын іске асыру аясында Алатау ауданы прокуратурасының бөлім прокурорлары Джаркимбаева Аида Ержановна мен Карабаева Жансая Абілқасымқызының қатысуымен N178 мамандандырылған лицейде 10-11 сынып оқушыларына "Интернет – алаяқтық" атты кездесу өткізілді.