1 қазан — Халықаралық қарттар күніне орай лицей кітапханашыларының ұйымдастыруымен «Қарттарым — асыл қазынам» тақырыбында дөңгелек үстел өтті. Іс-шараға "Ы. Алтынсарин", "Еңбек ардагері" медалінің иегері, ардагер ұстаз Л.Н.Байтубекова мен 8-сынып оқушылары қатысты.

"КӨМЕК" бағдарламасы аясында "Тәуелсіздік және отаншылдық, Лудомания Кибербуллинг" тақырыптарында 5-11-сыныптар арасында сынып сағаттары өтті. Сынып сағатының мақсаты: Оқушыларды отаншылдыққа, ұлтжандылыққа, туған жеріне, атамекеніне деген сүйіспеншіліктерін арттыруға дұрыс бағыт-бағдар беру, ауызбірішілкте, тату болуға тәрбиелеу.

Қыркүйек айының 26-күні №178 мамандандырылған лицейдің тамақтану сапасына мониторинг жүргізу комиссиясы тексеріс жүргізді. Лицейде оқушыларға берілетін тегін ыстық тамақпен қамтамасыз етілетін оқушылардың тамақтары талапқа сай берілетіндігіне, санитарлық талаптарға сай келетініне көз жеткізді. Асхана қызметкерлері барлық санитарлық талаптарды орындап, оқушылар үшін тиімді жұмыстарды атқаруда. Тексеру барысында ешқандай кемшіліктер болмады.  

Лицеймен арнайы ынтымақтастық келісім жасаған "Alatau Creative Hub" шығармашылық орталық мүшелерімен түсіндірме жұмыстары жүргізілді. Аталған орталықтың үйірме жетекшілері лицейдің 5-8 сынып оқушыларына тегін үйірмелер туралы ақпаратпен бөлісіп, алдағы уақытта орталықта өтетін үйірмелерге шақырды.