Лицейдің тамақтану сапасына мониторинг жүргізу комиссиясы бақылау жұмысын жүргізді

«№178 мамандандырылған лицей» КММ-нің асханасына мониторинг жұмысын жүргізу жөніндегі комиссия мүшелері  кезекті тексеру жұмыстарын қараша  айының 17-і күні жүргізді.
Мониторинг комиссия мүшелерінің тексеруі кезінде, ас блогындағы, асхана жұмысының ұйымдастырылуы, тамақ өнімдерінің сапасы, оларды тасымалдау, сақтау шарттары, тамақ дайындау сапасы, ас блогы қызметкерлерінің жеке гигиеналық ережелерін сақтауы бойынша тексеріс жасалды. 
Күнделікті ас мәзірі талапқа сай бекітілген. Ас мәзірі бойынша барлық тағамдар қамтылған. Қауіпсіздік техника ережелері сақталған. Асханадағы санитарлық жағдай ойдағыдай. Тамақ өнімдерінің сапасы талапқа сай. Комиссия мүшелері асхананың тазалығына, тамақтандыру сапасына жақсы баға беріп, асхана қызметкерлеріне  көңілдері толатынын және ешқандай шағымдары жоқ екендігін айтты.